Luka 17:27 - O Mikanda Ikola

²⁷ Athu oso à kala mú kúdia, à kala mu kúnua; mala ni ahatu a sakana, a bhana mu kusakana, katé kizuua kia bokona Noué mu álaka. Anga dilúviu diza, di a buidisa ene oso.

Luka 17:27 ပူးပေါင်းရင်းမြစ်များ

Dimatekenu 7:23

Ima ioso ia muenhu anga i jimuka ku thandu dia mavu, tunde ku muthu, ni ibhaku, ni kibamba, ni njila i bhita bhulu; iene joso ia jimi mungongo; Noué ngó ua subhuka-ku ni iá a kexile-nê mu álaka.

Dimatekenu 7:7

Noué anga u bokona, ni anʼê a mala, ni mukajiʼê ni akaji a anʼê, a bokona mu álaka ni muene, mukonda dia menha ma dilúvio.

Izaía 21:4

O miẋima iala ku ngi titila kiavulu, kua ngiza kubhuuama ni kuteketa; ngendile kuma kuvunda, o ki kua mateka ngó o ku fefetela, uoma ua ngʼiza.

Izaía 47:11

Mukonda dia kienhiki, ua-nda kubhita ni uíndua, o ku u tunda kua-nda kuijiia-ku, kibuika kia-nda ku ku iza ku thandu, kua kà tena ku ki lenga; mukonda o kingùmba kia-nda ku ku tumikisa, ki ku xitisa mu thulu, kua-nda kutena ku kʼijiia.

Matesu 22:30

Kuma ku difukunukinu athu kà sakana, kà bhana mu kusakana, a kala-phe mukuâ ni jianju mu diulu.

Luka 17:26

Kala ki kia bhitile mu izuua ia Noué, kiene ue kia kà bhita mu izuua ia Monʼ a Muthu.

Luka 17:28

Kala ki kia bhitile ue mu izuua ia Lote. Athu oso a di jimbi, a-dia, a-nua, a sumba, a sumbisa, a dima, a tunga.

I Samuuele 30:16

Anga u a kulumuisa. Kia zubha ku mu bheka, u sanga a di zanze mu mukâu uoso uenhó, ala mu kúdia ni mu kúnua, ni mu kina, mukonda dia imbamba iavulu ia bhûndu mʼoxi ia akua Fidíxia, ni mʼoxi ia Juda.