Luka 17:26 - O Mikanda Ikola

²⁶ Kala ki kia bhitile mu izuua ia Noué, kiene ue kia kà bhita mu izuua ia Monʼ a Muthu.

Luka 17:26 ပူးပေါင်းရင်းမြစ်များ

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Dimatekenu 6:7

Ngana anga u zuela, uixi: Muthu nga mu bhange, ngi mu jimuna kulu dia mundu tunde ku athu katé ni iama, ni ibamba ienda mala bhoxi, ni jinjila ji bhita bhulu; kuma nga diʼelesa mukonda dia ku a bhanga.

Dimatekenu 6:8

Noué-phe u sanga kiadi ku mesu ma Jihova.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Luka 17:22

Anga uambela jixibulu jê, uixi: Hádia kua-nda kuiza izuua, mua kà inda ku mona kizuua kimoxi ku izuua ia Monʼa Muthu, maji ki mu i mono.

Luka 17:24

Mukonda, kala o nzaji ki i telaka ku mbandu imoxi ia diulu, hé itajima katé ku mbandu iamukuá ia diulu, kiene ue kia kà kala Monʼ a Muthu mu kizuua kiê.

Luka 17:27

Athu oso à kala mú kúdia, à kala mu kúnua; mala ni ahatu a sakana, a bhana mu kusakana, katé kizuua kia bokona Noué mu álaka. Anga dilúviu diza, di a buidisa ene oso.

Luka 17:7

Nanhi-phe mudienu, se uala ni ngàmba iê uala mù dima, mba uala mù kuinga ibhaku, o kia-nda kutunda mu mukáu, u mu ambela uixi: Bhixila kiá, u xikame ku meza?

Luka 18:8

Ngi mi ambela-phe kuma u a fundisa lusolo, ni kubatula kiambote o milonga ku mbandu iâ. Hinu-phe kʼ iza Monʼ a Muthu, o kuila u sanga kuxikana mu ngongo?

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

II Phetele 2:5

O mundu ua xahulu ue Nzambi kà u dielele, maji ua bhekele Diluviu ku mundu ua athu ió abhumu. Inda ua bhakela ngó Noué ni sambuadi dia muthu kumoxi-nê, kuma mujimbuidi ua maka maiuka.

II Phetele 3:6

Ni kuila ue, mu kizuelu kia Nzambi oxi ioio ia kexile-ku, ia bobele mu Diluviu dia menha, anga i jima.