Luka 17:21 - O Mikanda Ikola

²¹ Kà kela, exi: Iú kuku! Mba, Iú koko! Mukonda o Utuminu ua Nzambi uala moxi dienu.

Luka 17:21 ပူးပေါင်းရင်းမြစ်များ

Matesu 12:28

O ki kala-phe ngi kaia madimonho mu nguzu ia Nzumbi ia Nzambi, ijiienu-kiu-phe kuma Utuminu ua Nzambi ua mi tukulukila.

Marku 13:21

Kienhókio se ku kala muthu u ku ambela, uixi: Talesa, Kristu iú kunu! Mba: Tala, Kristu iú koko! Ku ki xikane.

Luka 17:23

A kà mi ambela, exi: Iú kuku! Mba Iú koko! Ki muie-ku, ki mua kaiele.

Luka 21:8

Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Nzuá 1:26

Nzuá ua a vutila, uixi: Eme nga batizala ni menha. Maji mu ʼaxaxe kenu-phe muemana muthu, enu ki mu mu ijiia.

Nzuá 18:36

Jezú uixi: Eme o usobha uami, ki ua mu ngongo mumu. Se ua kexile ua mu ngongo, hinu makuenze mami eju bhânga phala eme ka ngi bhakule bhu maku ma Jijudé. Kala kiki-phe, o usobha uami ki ua kunu!

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Kolose 1:27

Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.