Luka 17:20 - O Mikanda Ikola

²⁰ Jifalizeu anga ji mu ibhudisa, exi: O Utuminu ua Nzambi, hinu uiza kumbi diahi? Muène anga ua ambela, uixi: O Utuminu ua Nzambi, ki kima kia kuila kiza ni kumoneka ku mesu.

Luka 17:20 ပူးပေါင်းရင်းမြစ်များ

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Luka 10:11

Katé ni fufuta ia tu naminina ku inama mu mbanza ienu, tu mi kukumuina-iu. Maji-phe, tumenu ku kʼijiia kuma: O Utuminu ua Nzambi ua mi tula.

Luka 14:1

Kizuua kimoxi, kia Sábhalu, Jezú u bokona mʼonzo ia dikota dimoxi dia jifalizeu, phala kùdia-nê mbolo. Anga mundu a kala mù tonginina Jezú.

Luka 16:16

O Kitumu kia Mozé ni ulongelu ua jipolofeta, ua kexile kate kieza Nzuá dia Batizu. Tunde kiókio-phe o Njimbu Iambote ia Utuminu ua Nzambi ala ku i kola; kala muthu-phe kikale u ta nguzu phala kubokona-mu.

Luka 19:11

Ene kia kala mù kuívua im, iii, Jezú muene, u ta-ku o ku a tela kifika, mukonda muène ua zukama kiá mu Jeluzaleme, mukonda ue ene a fika kuma o Utuminu ua Nzambi, ua-nda kutukuluka kiá.

Nzuá 18:36

Jezú uixi: Eme o usobha uami, ki ua mu ngongo mumu. Se ua kexile ua mu ngongo, hinu makuenze mami eju bhânga phala eme ka ngi bhakule bhu maku ma Jijudé. Kala kiki-phe, o usobha uami ki ua kunu!