Luka 16:3 - O Mikanda Ikola

³ Kimbadiʼokio uixi ku muẋima uê: Ngi bhanga kiebhi? Ngana iami uala ku ngi tambula o umbadi. Ki ngala ni nguzu ia kudima; o kubhinga ngó ku athu, jisonhi ji ngi kuata.

Luka 16:3 ပူးပေါင်းရင်းမြစ်များ

Estere 6:6

Hamane-phe kia zubha kubokona, muenexi u mu zuelesa, uixi: Se bhu kala muthu, muenexi ua solo ku mu bhanga ujitu, u tokala ku mu bhanga kiebhi? Hamane bhenhobho u banza ni muẋima uê, uixi: Mukuahi muene muenexi u sola ku mu bhanga ujitu? Nga fika eme muene, mukonda kana dingi muthu ua ngi tundu.

Jisabhu 13:4

Muẋima ua musonde, uinda ngó maji ka mono kima; akua kukalakala makidikidi-phe, u sanga a neta.

Jisabhu 15:19

Njila ia musonde mukua ni kikanzo kia minha ia kathathala; maji hoka-phe ia athu aiuka, u sanga ia babelela kiambote.

Jisabhu 18:9

Mukua usudi, mu ukalakalelu uê, ua soko ni nzangi.

Jisabhu 19:15

Usonde, u bheka kuia ku kilu kia muioko-ioko; maji o muthu-phe u kamba kututumba ni kukalakala, nzala i mu dia.

Jisabhu 20:4

Musonde kia muila: dima-ze, uixi: Kuma kuala mbàmbi; o bhu thembu-phe ia kubhongolola idima, u di ta mu bhinga, maji u lémbua-ku.

Jisabhu 29:21

Muthu, o mubhika ku mu sasa ni uhete uavulu tunde undenge kala mona, hádia sai kizuua u diela.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Hozeia 9:5

Enu-phe mua-nda kuila kiebhi bhu kizuua kia matunda, ni bhu kizuua kia fesa ia Jihova.

Matesu 20:8

Kutula mu ngoloxi, mukua mulenga uambela kaxelu kê, uixi: Ixana o jingunza, u a bhane o futu iâ. U matekena kua ió a sukidila kubokona, o ió a diangele kubokona a kaiele kuema.

Marku 10:46

Jezú ni maxibulu mê he a bhixila mu sanzala ia Jelikó. O mu kutunda mu Jelikó, ni muene, ni jixibulu je, ni kifuẋi kia dikota, bhu kala kifofo Bartimeu, monʼa Timeu ua xikama bhu mbanduʼa ikoka mu bhinga jimola.

Luka 12:17

Muène anga u kala mù banza ni muẋima uê, uixi: Ngi bhanga kiebhi? Mukonda ki ngala ni kididi kia kubhaka o idima iami ioso iíi.

Luka 16:2

Anga u mu ixana, u mu ambela, uixi: Ngala ku kuívua kiebhi? Ima iala ku kutanga ia kidi? Bhana konda ia umbadi ué, mukonda kutena dingi kukala u kimbadi kiami.

Luka 16:20

Bhu kala ue ni muthu, ngadiama, uezala jifidila, dijina diê Lázalu. Muène anga aia ni ku mu zekesa bhu muelu ua mvuama.

Luka 16:22

Ngadiamʼ iii anga i fua, anga a mu ambata kuala ji-anjo bhu jihata ja Mbalahamu, ku mbanza, ku fesa. Mvuama ue ifua, anga a mu fûnda.

Luka 16:4

Ah! Ngejiia kiá kioso ki ngi bhanga, phala kia ngi katula o ufunu, athu a ngi tambulule ku mabhata mâ.

Luka 18:4

Kithangana kiavulu muene, ka xikina ku mu ívua. Maji o ku pholo-phe kueza kunu, uamba ni muẋima uê, uixi: Sumbala ki ngala ni uôma ua Nzambi, o muthu ue ki ngi mu xila.

Nzuá 9:8

Akua diembu diê, ni oso a mu ijiia okulu kuma mubhingi a jimola, exi: Ki muenhú ua xikamene jinge mù bhinga jimola?

Jipoxolo 3:2

Anga bhu kala muthu ua nemana tunde mu mala a mamʼâ, ene ku mu ambata jinga, hè a mu tula izuua ioso bhu muelu ua Tembulu a u ixana Muelu Uauabha, phala kubhingila-bhu jimola ku athu oso a bokona mu Tembulu.

Jipoxolo 9:6

Muene-phe ni kuteketa ni kudiuana, uixi: Ngana ua mesena ngi bhanga kiebhi? Ngana u mu ambela, uixi: Balumuka-phe, u bhixile mu mbonge, mueneʼomo a kà ku jimbuila kioso ki u bhinga kubhanga.

II Tesalonika 3:11

Kuma tuevu-ku a moxi mudienu asonde, kuma ala kuenda ngó ulalu, kene kukalakala, a kala ngó itoka mu imbamba ia akuá.