Luka 16:28 - O Mikanda Ikola

²⁸ mukonda ngala-ku ni jiphange jitanu. Muéne aie phala a kà a dimune, mbé keze dingi kunu, ku kididi kiki kia phaxi.

Luka 16:28 ပူးပေါင်းရင်းမြစ်များ

Luka 16:27

Kuala mvuama: Nga ku diondo-phe, tata Mbalahamu, tuma Lázalu ku bhata dia tatʼetu;

Jipoxolo 10:42

Muène iú ua tu tendelela kutula o Njimbu Iambote ku mundu, ni kubhana umbangi kuma Muène a mu lekela kuala Nzambi kukala Mufundixi ua athu a muenhu ni madifundu.

Jipoxolo 18:5

Kia mu sange-phe Sila ni Timote, a tundu ku Masedonia, Phaulu u jijila ngo kutanga o maka. U kala mu kuambela o Jijudé kuma Jezú muène Kristu.

Jipoxolo 2:40

Phetele anga u kala mu ku a bhana umbangi, ni ku a longesa maka dingi mavulu, uixi: Tundenu mu ʼaxaxe ka athu a thathamana, nda mu bhuluke ku muiji iú ua dianguka!

Jipoxolo 20:21

Ngʼedikiza jinga ni Jijudé ni Jingeleku, kuma a bhingi kudiela ni kueha o ituxi iâ bhu pholo ia Nzambi, ni kuxikana kua Ngana ietu Jezú Kristu.

Jipoxolo 20:23

Ngejiia ngó, kia ngi bhana Nzumbi Ikôla umbangi, kuma mu jimbonge joso mua ngi xikamena jikaleia ni jihadi.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Jipoxolo 23:11

Usuku uenʼió Ngana anga u tukulukila Phaulu, hé a mu imanena bhu mbandu iê, uixi: Kolokota! Kala ki ua bhana o umbangi uami mumu mu Jeluzaleme, kiene ue ki ua kà bhana umbangi mu Roma.

Jipoxolo 26:22

Kia ngi kudila Nzambi-phe, nga kolokota katé mu kizuua kia lelu, ni kubhana umbangi uê ku makota ni ku jindenge. Ki ngene mu zuela kima-phe kia kambele Mozé ni jipolofeta ku ki zuela kuila hinu kʼ iza.

Jipoxolo 28:23

Kia mu bhana kizuua kia tokala o kudimona dingi, avulu muene a mu sanga mʼonzo mua tula. Muène anga u a lomboluela maka, u bhana umbangi ua Utuminu ua Nzambi. U sota ku a xikanesa ni maka ma tundu mu Kitumu kia Mozé ni mu madivulu ma Jipolofeta, tunde kimene katé ngoloxi, kuila Jezú muene Kristu.

Jipoxolo 8:25

Phetele ni Nzuá bheniobho kia zubha kubhana umbangi, ni kutanga o maka ma Ngana, a vutuka ku Jeluzaleme. Anga mu njila a tula Njimbu Iambote mu jisanzala javulu ja akua Samádia.

Ngalásia 5:3

Kiene muene, ngi ki tanga lua kaiadi kuila: O muthu uoso ua tambulula o kusaia, nga mu bhana umbangi kuma ua di bidikala kukumbidila o Kitumu kioso.

Efezo 4:17

Ngambe-phe kiki, nga mi bhana umbangi mua Ngana, kuma: Ki mu ende dingi kala ki enda o matumbu ió kene Nzambi mu usemenhi uâ,

I Tesalonika 2:11

Enʼuenu mua kʼ ijiia kioso ki tua di tumine ni enu oso, kala tata kia di tuma ni anʼê. Tuenda jinga ni ku mi longesa, ni ku mi suinisa, ni ku mi dimuna.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.