Luka 16:25 - O Mikanda Ikola

²⁵ Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

Luka 16:25 ပူးပေါင်းရင်းမြစ်များ

Jobe 22:18

Né kienhókio muene, jinzu jâ ua jʼizalesele jinge ni jimbote; mukonda dia kiki, o kikutu kia isuéia ki ngi kale dikanga!

Jisálamu 17:14

Lukuaku lué lu ngi kudile, u Jihova, ku athu ió ejiia ngó ima ia mu ngongo mumu; kabasa ekuta mu mala ni makudia ma tundu ko kué, a kala ni umonhi ua kuxila anʼâ.

Jisálamu 49:11

Moxi dia muẋima uâ-phe, a fika kuma o jinzo jâ ki ji budika dingi, o jixi jâ a ji luka o majina mâ-ene.

Jisálamu 73:7

Mesuʼâ a tundu mu mútue mukonda dia kuneta; a fika nzungule ia imbamba ia ku di kaka mu miẋima iâ.

Kuditenda 1:7

Mu makumbi a malamba-mê Jeluzaleme iú lembalala-ke ima iê ia ujitu ni malau, iakexi na-iu mu izuua ia xiahulu; u i lembalala kiua kia muiza o hadi ni ngongo!

Daniiele 5:30

Usuku uenhó-phe, Belxazale, muenexi ua Kaldeia, anga a mu jibha.

Matesu 27:63

Ngana, etu tua lembalala kuma mukua makutuʼó, kia kexile hanji ku muenhu, ua tangele, uixi: Izuua itatu ki i bhita, nga kà fukunuka.

Marku 9:45

Ni kinama kiê se kia ku bhangesa ku di bhala, batula-kiu! Kuma ujitu ue kota o kubokona ku muenhu ki uábhua u kinema, kana o kukala ni inama iiadi anga uia-na-iu mu ifernu; [

Luka 16:20

Bhu kala ue ni muthu, ngadiama, uezala jifidila, dijina diê Lázalu. Muène anga aia ni ku mu zekesa bhu muelu ua mvuama.

Luka 16:23

Ku ʼalunga ki a mu kuata o jiphaxi javulu, u zambula mesu, anga u mona Mbalahamu uala dikanga, ni Lázalu bhu jihata jê.

Luka 16:26

O kia mukuá dingi, bhu kaxi ketu, ni enu ni etu, bhua bhiti kidikungu kiònéne; oso edi a tunda kunu, aia ku mualʼoko, ka tena, o ió koko, ka tena ue kutunda ku mualʼoko ni eza kunu.

Luka 6:24

Enu-phe, lamba dienu, mu jimvuama, mukonda mua tambula kiá o mbote ienu.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

Matendelelu 28:17

Kuxixima kua kinda kié, kuxixima kua nguíku ié.

Filipe 3:19

O dizubhilu diâ kutexika mu infernu; nzambi iâ o imbamba ioso inda o mukutu uâ. Thathe iâ, o imbamba i kuatesa jisonhi; a xinganeka ngó ima ia bhoxi.

I Tesalonika 3:3

mbé ki bhu kale muthu mudienu u bhuila nʼa vutuke ku dima mukonda dia jihadi ni izudidiku. Kuma enʼuenu mua kʼ ijiia kuila a tu xindila-ju kuala Nzambi, mukonda iene ue o vondadi iê phala etu.

Jihebeleu 11:25

Ua solo-bho o kutala hadi ni mundu ua Nzambi, kana o ku di uabhela muène mu jivondadi ja ituxi ji bhanga ngó kathangana.

I Nzuá 2:15

Kana kuzola o mundu, mba o ima iene ku mundu. Kuma enu se mu zola o mundu, Nzambi Tata ki mua mu zolo.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.