Luka 16:22 - O Mikanda Ikola

²² Ngadiamʼ iii anga i fua, anga a mu ambata kuala ji-anjo bhu jihata ja Mbalahamu, ku mbanza, ku fesa. Mvuama ue ifua, anga a mu fûnda.

Luka 16:22 ပူးပေါင်းရင်းမြစ်များ

Jobe 21:13

Mu kuzediua muene mua zubhila o izuua iâ, maji mu kithangana kiofele a tuluka mu mbila.

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Ndongixi 8:10

Nga mono ue akua phulu ku a funda mu jimbila ni kutululuka, anga bhu kala muene ni muthu uia bhu mbila jâ; maji o ió a bhanga jinga o jimbote mu mbonge, a tunda jinga bhu kididi kia kuiuka, ki bhuala ngó muthu ua a lembalala; kidi muene, imiʼii ue kingoho kiene.

Izaía 14:18

Jisobha joso ja ifuẋi, xi, jene joso muene, ja zeka ni ujitu, sobha ni sobha mu sanzala iê.

Izaía 22:16

Eie uala kubhangaʼhi bhabha? Mukuahi muene uala-nê, ki uala ku kanda o mbila bhabha? ua mu kanda o mbila iê bhu kididi kia di-leka, eie ua mu di sokuela mu ndanji dibhata dia kukala?

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Matesu 8:11

Ngi mi tangela-kiu kuma, ku thunda ni ku luiji, kua kà tunda athu avulu a kà xikama mu mbanza ia diulu kumoxi ni Mbalahamu ni Izake ni Jakobo.

Marku 8:36

O muthu u bhanduluka-hi, se ua nganhala oxi ioso, nʼa i texila o muenhu ue?

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Luka 16:21

Lázalu-phe u mesena u dia jisesekenha ja lalumuka ku meza a mukuaitadi; ni jímbua ji kala mu kuiza ku mu lesa o jifidila.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 13:23

Kuenhoko, ku meza, anga ku kala xibulu imoxi a mu zola kuala Jezú, ua xamenena bhu jihata ja Jezú.

Nzuá 21:20

Phetele anga u sakuka, u mona xibulu a mu zola kuala Jezú iu kaiela ue. Muenhú muène ua xamenene bhu jihata ja Jezú mu seialu, anga u mu ibhudisa, uixi: Ngana, muène nanhi uandu ku sumbisa?

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

Tiiaku 1:11

Kuma o dikumbi ki di banda, muanha hé utua muzukuta, o iangu i lela, o itulu iê i lalumuka, o kuuabha kuê kua buika. Ni mvuama ue kiene hinu kia kà buika mu njila ja mauenji ma kutelâ o soua iê.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

Dijingunuinu 14:13

Anga bhenhobho ngʼívua dízui di tunda mu diulu, dixi: Kiki soneka-kiu; Azediua o madifundu tundé kiki a fuila mu kikalakalu kia Ngana! O Nzumbi ia Nzambi anga uitaia, uixi: Eua! Kiokio kidi muene! Mukonda ene a kà nhohaku kiá ku ikalakalu iâ, ia hadi, mbata o mbote i tunda mu kukalakala kuâ, a kàia na-iu.