Luka 16:20 - O Mikanda Ikola

²⁰ Bhu kala ue ni muthu, ngadiama, uezala jifidila, dijina diê Lázalu. Muène anga aia ni ku mu zekesa bhu muelu ua mvuama.

Luka 16:20 ပူးပေါင်းရင်းမြစ်များ

Jobe 2:7

Bheneʼobho Satana anga u sondoloka bhu pholo ia Jihova, anga u kuama Jobe ni ijimbu ia ibha tunde bhu kànda dia kinama katé bhu thala ia mútue.

Jisálamu 34:19

Uaiuka u mona jiphaxi javulu; maji o Jihova-phe u mu kudila mu jiphaxi jê jene joso.

Jisálamu 73:14

Kuma kumbi dioso dia kambàmba, o kuxixima kuami kua kalé; o kaxtiku kami kabasa kuaki.

Izaía 1:6

Tundé ku makànda a inama katé ku mútue ki kuala kima kia disanze; kuala ngó jifidila, ni ijimbu, ni ilonda ia sotama, ki iótumbe, ki iókute, mba bhu kala ngó kilonda kimoxi kiózaze tumaji.

Jelemiia 8:22

Manhi mu Ngiliiade kana-mu unguendu? Inga ki muala kimbanda kia kusaka? Phalaʼhi-phe a kambe kusaka o monʼa kilumba kia mundu uami?

Matesu 26:71

Kia tubhuka ku mbalanda-phe, kilumba kia mukuá u mu tongolola, anga u ambela athu ala-bhu, uixi: Ialʼú ue ua kexile ni Jezú dia Nazalé.

Luka 16:19

Jezú hé ua ambela dingi, uixi: Kua kexile mukua-itadi, u zuata jinga izuatu i kusuka ni linhu ia fina, izuua ioso u kala mu kúdia kiambote muene, ni kubhanga fesa ja makota.

Luka 16:21

Lázalu-phe u mesena u dia jisesekenha ja lalumuka ku meza a mukuaitadi; ni jímbua ji kala mu kuiza ku mu lesa o jifidila.

Nzuá 11:1

Anga ku kala muthu uala mù kata, dijina diê Lázalu. Muenhú, ni phange jê jiiadi ja ahatu, Madiia ni Marta, a tungile bhu sanzala ia Bethânha.

Jipoxolo 3:2

Anga bhu kala muthu ua nemana tunde mu mala a mamʼâ, ene ku mu ambata jinga, hè a mu tula izuua ioso bhu muelu ua Tembulu a u ixana Muelu Uauabha, phala kubhingila-bhu jimola ku athu oso a bokona mu Tembulu.

Tiiaku 1:9

O phange se uala ngadiama, Nzambi anga u mu bha mbote ku muenhu uê, a tane-ku, kuma a mu bheka ditala dia ujitu.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.