Luka 16:2 - O Mikanda Ikola

² Anga u mu ixana, u mu ambela, uixi: Ngala ku kuívua kiebhi? Ima iala ku kutanga ia kidi? Bhana konda ia umbadi ué, mukonda kutena dingi kukala u kimbadi kiami.

Luka 16:2 ပူးပေါင်းရင်းမြစ်များ

Ndongixi 12:14

Mbata Nzambi hádia o ikalakalu ioso ua kà i bheka bhu kibhuna kia kufundisa, katé ni ioio iòsueke, kixi ia uabha mba ia iibha.

Matesu 12:36

Ngi mi ambela-phe kuma, maka moso ma ulalu ma tanga athu, a kà ma bhela konda mu kizuua kia kufundisa.

Matesu 20:8

Kutula mu ngoloxi, mukua mulenga uambela kaxelu kê, uixi: Ixana o jingunza, u a bhane o futu iâ. U matekena kua ió a sukidila kubokona, o ió a diangele kubokona a kaiele kuema.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Luka 12:42

Ngana Jezú, uixi: Nanhi-phe o kimbadi kia mukua kidi, mukua kilunji? Muenhó, ngana iê ua mu bhake ku pholo ia abhikʼê, ni a a bhane kúdia kuâ mu ji-ola ja tokala.

Luka 16:1

Jezú anga uambela dingi o jixibulu jê, uixi: Bhua kexile mvuama u kala ni kimbadi kiê. Anga bhu kala ue athu, aia, hé a mu tanga kua mvuama muenhú kuma muène ua-lu zanga jimbongo jê.

Luka 16:3

Kimbadiʼokio uixi ku muẋima uê: Ngi bhanga kiebhi? Ngana iami uala ku ngi tambula o umbadi. Ki ngala ni nguzu ia kudima; o kubhinga ngó ku athu, jisonhi ji ngi kuata.

Loma 14:12

Mu kieniiki, kala muthu mudietu, ua kà di bhela konda iê kua Nzambi.

I Kolindo 1:11

Kuma a ngi kundu-kiu, kioso ki muala kubhita, phange jami, kuala akua bhata dia Koloue, kuma sai-ku makuzoka mudienu.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

I Timote 4:14

Uhete ió ua ku bhana mu uanji ua kuzuela kua Jipolofeta ja Ngaleja, kia ku tudile o maku ma adiakime ku thanduʼa mùtue ué, phala ku ku lumba mu kikalakalu kia Ngana, kana kukala na-u ni kaxixi.

I Timote 5:24

Athu amoxi-moxi-mu, ituxi iâ ia di monekena muene, i lenguluka kutambula kuêla kioso ngó kiluua a i fundisa. Maji o ituxi ia athu amukuâ, i tukuluka ku pholo ku aia.

I Phetele 4:10

Muthu uoso uhete uê ua tambula kua Nzambi a u kumbidile mudienu, kala mufuni ua mbote ua kiadi kia Nzambi kia vula o matelu phala mbote ue ia akuâ.

I Phetele 4:5

A kà ki bhela konda-phe kua ió uala polondo ia kufundisa athu a muenhu ni madifundu.

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.