Luka 16:13 - O Mikanda Ikola

¹³ Kana-ku ngàmba u tena ku kalakela ngana jiiadi. Kuma u zemba ngana imoxi, hé u zola ia mukuá; mba u di tuma ni ngana imoxi, hé u tènda iamukuá. Enu uenu ki mu tena kubhikila kumoxi ni Nzambi ni Mamunu.

Luka 16:13 ပူးပေါင်းရင်းမြစ်များ

Matesu 4:10

Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Luka 11:23

Uoso ka di te kumoxi ni Eme, ua di te ku unguma; uoso ka ngi bhongoluesa, mukua kumuanga.

Luka 14:26

Se muthu uiza kókuami, anga u kamba ku beta ku ngi zola eme, o tatʼâ ni mamʼâ, ni mukajiʼê, ni anʼê, ni jiphange jê ja mala ni ja ahatu ni a kale ndenge, katé ni muenhu uê-muène, ka tena kukala xibulu iami.

Luka 16:12

Se mua kambe kukala mu akua kidi ku ima iangene, mukua-hi u mi bhana o kima kienu?

Luka 16:9

Eme uami ngi mi ambela: Kuatenu makamba a tunda mu itadi ia mangonha ma mundu iú, phala ki i mi kamba, ene a mi tambulule mu mabhata mâ ma nanga.

Luka 9:50

Jezú-phe anga u tangela Nzuá ni maxibulu amukuá, uixi: Kana ku mu kidika. Mukonda uoso ua kambe ku mi fudisa, ua mi kuatekesa.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.