Luka 15:8 - O Mikanda Ikola

⁸ Mba muhatu kuẋi uala ni kuinhi dia iphaka ia phalata, se ua jimbidisa kimoxi, u kamba ku ki sota? Mu ku ki sota, u sendela kandeia, ni kukomba mʼ onzo, ni kusota makidi-kidi, katé ki a ki sanga.

Luka 15:8 ပူးပေါင်းရင်းမြစ်များ

Izekiiele 34:12

Mukuâ ni mubidi kia kenga o kilunga kiê, bhu kizuua muene kia kala muʼaxaxi ka jimbudi jê ja di muange, kiene ue eme ki nga-nda kukenga o jimbudi jami; anga ngi ji takana mu ididi ioso mu ja di muangena, bhu kizuua kia dituta ni kia kitombe.

Matesu 5:15

Athu ue kene kuila a uika kandeia, nʼ a ka fute kitutu. Kikale a ka bhaka ku thandu a meza, ni ka muikine oso ala mʼonzo.

Luka 15:7

Nga mi ambela, kuma kiene ue ku diulu, o kusanguluka kuâ kuvula dingi, mukonda dia muthu umoxi ua diela ituxi iê, ki ki soko ni makuinhʼivua a muthu nʼivua aiuka, ka bhingi dingi kudiela.

Luka 15:9

O kia ki sanga, uixana o makamba mê, ni akua-bhata diê, uixi: Ngi tanesienu, mu sanguluke kumoxi ni eme, mukonda nga bongo o kíphaka kiami kia ngi jimbidile.

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Jipoxolo 19:19

Sai ue athu kʼatolo, a tambuile uanga, a bheka o madivulu mâ, anga a ma ta mu tubhia ku mesu ma mundu. Hé a kuata konda kioso ki ate o madivulu, ma tena konda ia makuinhi a tanu a midi ia itadi ia phalata.

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.