Luka 15:29 - O Mikanda Ikola

²⁹ Muène-phe u kumbulula tatʼâ, uixi: Mivu ioso iíi i nga ku kalakela kala ngi mubhika, kiluua-phe ngi xibhaka ngó kima ki ua ngi tumu. Maji né kienhókio, eie-phe kua ngi bhana né ngó lumoxi, kahombo ka kubhanga fesa ni makamba mami.

Luka 15:29 ပူးပေါင်းရင်းမြစ်များ

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Zakadiia 7:3

Iá ebhula ku jinganga ja kexile mʼonzo ia Jihova dia Ifuẋi ni ku jipolofeta, exi: Manhi, tu dila jinga kienhiki, ni kujila, bhu mbeji ia katatu kala ki tuene kiá ku ki bhanga mu mivu iavulu?

Malakiia 3:14

Enu muambe, muexi: Ku bhikila Nzambi hadi ia hatu; o kualuka ijila ia Ngana, ni kuenda bhu pholo ia Jihova dia Ifuẋi ni mukondo, tua nganhala-ku mbote iahi?

Matesu 20:12

Iá a sukidila, a kalakala ola imoxi, eie-phe ua a sokelesa ni etu, tua huha dikumbi dioso ni muanha uatu.

Luka 15:28

Muène anga u futuluka, nguaiê kubokona! Tatʼâ anga u tunda, u kala mu ku mu bhomba.

Luka 15:30

Lelu-phe kieza monʼé, ió ua zange o itadi ié ni jindumbu, eie ua mu jibhila kiá kangombe ka nete!

Luka 15:7

Nga mi ambela, kuma kiene ue ku diulu, o kusanguluka kuâ kuvula dingi, mukonda dia muthu umoxi ua diela ituxi iê, ki ki soko ni makuinhʼivua a muthu nʼivua aiuka, ka bhingi dingi kudiela.

Luka 17:10

Kiene ue enu, se mua bhange kiá ima ioso ia mi tumu, mu ila kuma: Tu akalakadi a iximba! Mukonda tua bhange ngó o ima ia tu tokala o ku i bhanga.

Luka 18:9

Jezú anga u ta dingi o kifikʼiki, kiatokala amoxi a di fiiala o kuiuka, kuma ene abhangi-a-mbote, anga a tènda akuâ, uixi:

Luka 19:21

Mbata nga ku kuatela uôma, mukonda eie u muthu uatema. U katula ku akuenu o kima ki kia ku tokala, u kanza bhuma kua kuinine-bhu idima.

Loma 10:3

Edi ni kukamba kuijiia o kulunga kua Nzambi kuijiia mu kuxikana, ni kubhindamanea o ku di lungisa mu kidifua kiâ ene, iá a ditunu kubelesela o kidifua ki bhangesa Nzambi kuẋikina muthu ni, ku mu lungisa.

Loma 3:20

Mukonda mu ikalakalu i xinda o Kitumu, kana muthu u tena kulungila-mu ku mesu ma Nzambi. Kuma mu Kitumu, muene muthu muejidila kuila mukua ituxi.

Loma 3:27

Manhi o ki tualʼ iki, tu di zangeleka na-kiu? Ki ki xikina! Ki ki xikina, phala-hi? Kifua ki ki xikina mukonda tua tumaka o Kitumu? Kana, maji mukonda tua xikana Kristu.

Loma 7:9

Mukonda mʼokulu, ki nga kambele kuijiia o Kitumu, eme nga kexile ku muenhu. Maji kieza o kijila, eme nga kʼijiia, ituxi ia phaphumuka, eme ngafu.

Dijingunuinu 2:17

Uoso uala ni dítui, évue kioso o Nzumbi ia Nzambi kia jimbuila o Jingeleja! Uoso u tolola, ngi mu bhana o maná ia kasuèkele. Ngi mu bhana ue kaditadi kazela, ku kaditadi anga kukala dijina diobhe diosoneke, kana muthu u dʼijiia kikale muène ngó a mu bhana-diu.

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!