Luka 15:28 - O Mikanda Ikola

²⁸ Muène anga u futuluka, nguaiê kubokona! Tatʼâ anga u tunda, u kala mu ku mu bhomba.

Luka 15:28 ပူးပေါင်းရင်းမြစ်များ

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Jelemiia 35:16

Mukonda dia kuila anʼa Jonadabe, monʼa Lekabe, a bhake kijila kia tatʼâ, muene kia a tendelela, maji athu iá ka ngi tumaka.

Jona 4:9

Bhenhobho Ngana Nzambi u tangela Jona, uixi: Kifua ua fika kuma eie ua lunguʼé kukala ni njinda mukonda dia músala ua dinhángua? Jona uitaia, uixi: Xi! Nga lunguʼami muene, o kukala ni njinda ni kuinda kúfua.

Matesu 20:11

Kia zubha ku di tambula, mukua ʼnzo a mu longolola, exi:

Marku 1:40

Anga kuiza mukua dibhute ni kudionda, ni ku mu fukamena, uixi: Se eie Ngana, uambe ku ki bhanga, ua ki soko, o ku ngi bhana kudisanza.

Luka 13:34

Uaué, Jeluzaleme! Jeluzaleme tata! Ua bhingi o jipolofeta u ji jibha, o akunji Nzambi a ku tumikisa, eie u a bûba ni matadi! Lukuxi luosʼulu, lu ngandalele kubhongoloka o kifuẋi kia mundu uê uoso, kala ki bhanga o sanji tuana tuê moxiʼa mabhabha, enu-phe ki mu xikina!

Luka 15:2

Jifalizeu ni akua kulonga o Kitumu a kala mù ngonga, exi: Muthu iú u tambulula akua ituxi, hé u dia-nâ.

Luka 15:27

Kuala mukuambèle: Phangʼié ueza! Tatʼenu-phe iu ua tumu kujibha o kangombe kanete, mukonda ua mu tambulula ni muenhu ni kudisanza.

Luka 15:29

Muène-phe u kumbulula tatʼâ, uixi: Mivu ioso iíi i nga ku kalakela kala ngi mubhika, kiluua-phe ngi xibhaka ngó kima ki ua ngi tumu. Maji né kienhókio, eie-phe kua ngi bhana né ngó lumoxi, kahombo ka kubhanga fesa ni makamba mami.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Luka 5:30

Bhenhobho, jifalizeu-phe ni asoneki a mu longolola, hé ambela jixibulu jê exi: Phala-hi muia mu kúdia ni kúnua kumoxi ni akua kutambula o lubhaku ni akua ituxi?

Luka 7:39

Falizeu-phe ua mu ixanene, kia ki mono, uedi ni muẋima uê, uixi: Muenhú se ua kexile polofeta, ueji kuijiia mbutu ia muhatu uoso ua mu mu kuata kiki, kuma mukua-ituxi.

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Jipoxolo 13:50

Jijudé-phe ji funhisa ahatu a jingana, ene kubhezanâ, ni adiakime a makota mu mbonge, hé a kuata kuzukutisa Phaulu ni Barnabé, anga a a kaiesa mu mbambe jâ.

Jipoxolo 14:19

Kueniuku-phe ue kueza Jijudé ji tunda ku Andiioka ni ku Ikônio. Anga a bhomba mundu, hé a bûba Phaulu ni matadi, a mu koka katé ku mukau, kuma a fika uafu.

Jipoxolo 14:2

Maji o Jijudé-phe, joso ja xibhaka, a vunza o miẋima ia akua ʼxi, anga jiphange a ji zembesa.

Loma 10:19

Ngixi-phe dingi: Kifua akua Izalaiele a kambele ku kʼ ijiia? Mozé muene ua diangele kutanga, uixi: Eme ngi mi kuatesa difuba ni ió mua a mono kuila kʼ athu a kima, ngi sola athu a kambe kuijiia, enu mbé ni mu futuluke, ni mu kale ni njinda ia muiji ua athu a kambe kilunji.

II Kolindo 5:20

Kala kiki, tua mu zuela bhabha mu dijina dia Kristu, kala muene Nzambi uala ku mi ambela mu makanu etu, kuila: Mu dijina dia Kristu, ehelenu Nzambi a mi bilule mu tunde mu kukala mu jinguma jê, a mi bhange mu makamba mê.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

I Samuuele 17:28

Bhenhobho kota diê Eliiaba u mu ivua kioso kiala kuzuela ni athu, njinda anga i mu kuata ia Davidi, uixi: Eie ueza bhabha kubhanga-bhu Ohi? O tumbudi tuofele kiá tunhá eie ua tu xila nanhi mu iangu? Eme nga ku ijiia o ukumbu ué, ni kuiibha kua muẋima ué. Ueza ngó kutala o ita iene.

I Samuuele 18:8

Saúlo anga u kala ni njinda iavulu, kuma mukumbi iú ua mu iibhila; mbata uixi: Davidi a mu fika makuinhi a jimidi, eme jimidi ngó! Kua ngi xala-hiphe dingi mu ku ngi tambula o ungana?