Luka 15:27 - O Mikanda Ikola

²⁷ Kuala mukuambèle: Phangʼié ueza! Tatʼenu-phe iu ua tumu kujibha o kangombe kanete, mukonda ua mu tambulula ni muenhu ni kudisanza.

Luka 15:27 ပူးပေါင်းရင်းမြစ်များ

Matesu 22:4

Muène anga u tuma jiphunga jamukuá, uixi: Asonhi a fesa a tangedienu kuma, Seialu iami iíi, nga i iudika kiá. Jingombe jami ni ibhaku iami ianete iójibhe, imbamba ioso ióiudike kiá. Zenu ku fesa ia ukaza!

Luka 15:26

Anga uixana muthu ku akua-mbèle, hé uibhudisa mba kima kiahi kiná.

Luka 15:28

Muène anga u futuluka, nguaiê kubokona! Tatʼâ anga u tunda, u kala mu ku mu bhomba.

Luka 15:30

Lelu-phe kieza monʼé, ió ua zange o itadi ié ni jindumbu, eie ua mu jibhila kiá kangombe ka nete!

Jipoxolo 22:13

Muene ueza, ua ngi sange, iú ua ngʼimanena, uixi: Phange Saulo, jikuka o mesu u mone dingi! Kithanganʼokio mesu ma ngi jikuka, anga ngi mu mona.

Jipoxolo 9:17

Ananiia anga u katuka, hé u bokona mʼonzo ia Juda, o kia tula maku ku thandu dia Saúlu, uixi: Phangeʼ ami Saúlu, o Ngana ietu Jezú ua ku tukulukila mu njila ia Damásku mu uejiia, muène ua ngi tumu ku ku tonesa o mesu, phala uende ni kumona dingi luamukuâ, u izale ue ni Nzumbi Ikôla.

Filemone 1:16

Mukonda mu kindalʼumu, o muène kala dingi ngó mubhika, maji mubhika ndenge kiá, kuma uala phange ia jihenda mua Jezú Kristu. Muène ni kidi, phange ia jihenda ko kuami. Maji kotakota dingi mu jihenda ko kué, ni ku ubhika mu xitu, ni ku uphange mua Ngana.

I Samuuele 28:24

Muhatuphe u kala ni kangombe kanete mʼonzo iê; anga u bhanga lusolo, u ka jibha. U katula ue fuba ia tiliku, u i masana, hé u kanga jimbolo ja kambe felemendo.