Luka 15:21 - O Mikanda Ikola

²¹ Mona-phe uixi: Tatʼetu, nga te kituxi ku diulu kua Nzambi, ni mu ngongo kó-kué! Ki nga fuama dingi ku ngʼixana ngi monʼé.

Luka 15:21 ပူးပေါင်းရင်းမြစ်များ

Jobe 33:27

Ua kà tala ku athu anga u zuela, uixi: Nga te kituxi, o kuiuka nga ku tondala, o kuene ki ngi katula-ku ngó kima, o Nzambi ue ka ngi vutuila kia fuama o ikuma iami.

Jisálamu 143:2

Kana kufunda ni selevende ié; kuma ku mesu mé-eie muthu uebhi u tena kulunga?

Jisálamu 51:4

Ko kué Ngana, ko kué èlele, ku nga tondala, nga bhange kiaiibha muene ku mesu mé; eie bhenhobho u kala ni kidi kié mu zuela; u lungé muene ki u ngʼêlesa.

Jelemiia 3:13

Hé kima diẋikine ngó kikuma kié: ki ua tondalela Jihova Nzambi ié, eie ua lebhesa o jinjila jé katé kua akua jixi jengi, bhu makota a mixi ioso ia uisu; eie ua kambe ku bhana matui ku dizui diami, kiene kiambe Jihova.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Luka 15:20

Anga u balumuka, hé uiza kua tatʼâ. Ki ala mú kuiza-phe, hanji uala dikanga, tatʼâ ua mu mono. Anga henda ia monʼê i mu kuata, u lenga lusolo, u di bhubhala-nê, u mu bhana jibeju.

Luka 15:22

Maji o tata-phe, uambela abhikʼê, uixi: Bhekenu, lusolo, kizuatu kia matunda, mu mu zuike-kiu! Mu tienu ue nela mu mulembu ni jisabhatu ku inama!

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

I Kolindo 8:12

Mu kubhanga kiki, phange ié ua mu te kituxi, mu ku mu kuama o kitongoluelu kiê kiluua ki kola, Kristu muene, ua mu te kituxi.