Luka 15:20 - O Mikanda Ikola

²⁰ Anga u balumuka, hé uiza kua tatʼâ. Ki ala mú kuiza-phe, hanji uala dikanga, tatʼâ ua mu mono. Anga henda ia monʼê i mu kuata, u lenga lusolo, u di bhubhala-nê, u mu bhana jibeju.

Luka 15:20 ပူးပေါင်းရင်းမြစ်များ

Dimatekenu 33:4

Izaú anga u lenga mu kutakana-nê, u mu bhubhala, u mu bhana jibejo; anga a ta nzôngo a dila kiiadi kiâ.

Dimatekenu 45:14

Anga u tuka, u di bhubhala ni ndengʼiê Bejamí u didila mu xingu iê, o Bejamí ue, kiene kia di bhubhalʼiki, u didila ue bhu maku ma phangʼiê.

Dimatekenu 46:29

Zuze anga u iudika o dikalu diê, u banda mu takana ni Izalaiele, tatʼâ, mu Ngozene. O kia mu tukulukila, u mu bhubhala, u didila mu xingu iê kithangana muene kia dikota.

II Samuuele 14:33

Kienhiki Jouabe u bhixila kua muenexi, anga u mu tangela-kiu. O sobha anga u tuma Abisalone, o muene anga u bhixila ue kua muenexi, u diunda bhu pholo ia muenexi. O muenexi anga u bhana jibeju kua Abisalone.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Izaía 49:15

Manhi muhatu u tena kujimba monʼê ua mu vuala, katé kia suka muene bhu kuehelela, mona ua tundu mu mala diê? Né-mbe bhu kala mama u landuka monʼê, eme-phe kana, kuma eie ki nga kà ku jimba, lémbue!

Izaía 57:18

Eme ngala kumona o jinjila jâ, phala ni ngʼa sake, ngʼa batesa ue, hé ngʼa bhana dingi o kukondama ni ene ni mundu uâ ua di-kuata o mukondo ua kudila.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Luka 15:19

Ki ngi fuama dingi ku ngʼixana ngi monʼé. Ngi bhake kiá ngó bhu kididi kia mukalakadi ué.

Luka 15:21

Mona-phe uixi: Tatʼetu, nga te kituxi ku diulu kua Nzambi, ni mu ngongo kó-kué! Ki nga fuama dingi ku ngʼixana ngi monʼé.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Jipoxolo 20:37

Ene oso anga a dila kisoxi, a di bhubhala ni Phaulu, a mu bhana jibeju.

Efezo 2:13

Maji o kiki-phe, mua Kristu Jezú, enu mua sandukile dikanga kua Nzambi, a mi bheka dingi bha zukama ni Muène, mu kúfua kua Kristu.

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.