Luka 15:15 - O Mikanda Ikola

¹⁵ Anga uia ku di umba ni mukua ʼxi kuinhoko; ió anga u mu tuma ku mábhia mê mu kuinga jingulu.

Luka 15:15 ပူးပေါင်းရင်းမြစ်များ

II Malunda 28:22

O mu kithangana kia mu bhondeleka sobha ia Asidia, muene ue ua beta dingi o ku tondalela Jihova, ni kubhanga kia ibha; kienhiki o kikexilu kia sobha Akaji;

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 57:17

Njinda ia ngi kuatele mukonda dia usuéia ua unjenje uâ anga ngʼa beta; kuma kia ngi kuata o kutema, pholo nga i sueka; maji ene, hanji-phe, mu kubhukumuka kuâ, akaiela njila ia muẋima uâ.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Izekiiele 16:52

Eie u tala hadi ni sonhi jé, eie ua bhana o kulûnga ku jiphange jé mukonda dia ituxi ié i ua ta jinga ia beta o kuiibha o ia ene ndenge; ene-phe a beta o kuiuka eie ndenge; sonhi-phe ji ku kuate ue muene; sonhi jé ji ku talese hadi, mbata ua lungisa o jiphange jé.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Nahumu 3:6

Nga kà lundulula ku thandu dié dixidilu ni malebhu, phala ni ngà ku kuatesa jisonhi, ua kà di bhanga u kima kia lusebu.

Malakiia 2:9

Kiene-phe uami kia ngi bhangesa ku mi sebulula ni ku mi sekalesa bhu pholo ia mundu uoso, mukonda jinjila jami mua ditunu ku jʼenda, maji, mu kukumbidila o kitumu, mua bhange katungu kʼathu.

Matesu 7:6

Ima ia Nzambi kana ku i tela jímbua, o jiphelula jenu kana ku ji texila jingulu, kuma jene ji ji diotela bhoxi, anga ji lunguluka ji ku ẋuua.

Luka 15:13

Kia bhiti tuizuua, o ndenge u bhongolola ioso, anga u katuka njila ia kuia ixi ia dikanga. Kuenioko anga u zanga-zanga itadi iê mu ulaji.

Luka 15:14

Kia zubha kuzanga ioso, mʼ oxi muná mu iza nzala iónene! Muene anga u kala mu ku bhindama.

Luka 15:16

Muène bhenhobho uinda uikuta ni jimbuende ja kexi mu tela o jingulu. Ni jimbuende jene-phe, kana muthu ua mu bhana-ju.

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.