Luka 14:23 - O Mikanda Ikola

²³ Ngana iê, uixi: Ndé dingi mu ikoka, ni mu tunjila, athu oso u a landameke kubokona, mbé onzo iami ni izale.

Luka 14:23 ပူးပေါင်းရင်းမြစ်များ

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 21:43

Uila kiki, ngi mi tangela na-kiu kuila, o Utuminu ua Nzambi a-nda ku mi tambula na-u, nʼa u bhane athu engi a bhana idima iê. [

Matesu 5:41

Uoso ue u ku bhinjika kuenda-nê lékua, eie enda-nê lékua jiiadi.

Luka 14:22

Ki bhua bhiti kithangana, mubhika anga uiza, hé uambela ngana iê, uixi: Ngana, kioso kia ua tumu nga ki bhange kiá, hanji-phe sai kididi.

Luka 14:24

Mukonda nga mi ambela kuila, ene osuʼó a a kuvitalele, ki bhuala dingi muthu u lola o seialu iami!

Luka 24:29

Ene-phe a mu jijila, exi: Xala bhabha ni etu; mukonda ngoloxi ieza, o kumbi dia lèmbe kiá. Muène anga u bokona phala kuxala-nâ.

Jipoxolo 16:15

O kia mu batizala ni akua-mbele iê, u tu dionda, uixi: Se mua ngi mono ni ufiiele kua Ngana, zenu mu kale mʼ onzo iami. Anga u tu jijila kukala mʼ onzo iê.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

Jipoxolo 28:28

O mu kuzubha Phaulu, uixi: Ijiienu na-kiu-phe kuma, o kubhuluka kueniʼ uku Nzambi ua ku tumikisa ku matumbu, ió ki Jijudé, ene-phe anda kuivua. [

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.

II Kolindo 5:20

Kala kiki, tua mu zuela bhabha mu dijina dia Kristu, kala muene Nzambi uala ku mi ambela mu makanu etu, kuila: Mu dijina dia Kristu, ehelenu Nzambi a mi bilule mu tunde mu kukala mu jinguma jê, a mi bhange mu makamba mê.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.