Luka 14:11 - O Mikanda Ikola

¹¹ Mukonda uoso u di zangula, a mu tulula; o uoso-phe u di tolesa, a mu zangula.

Luka 14:11 ပူးပေါင်းရင်းမြစ်များ

II Samuuele 22:28

Mundu ua di tululula eie u a bhulula; mesuʼé ala ku thandu dia akua izala phala ku a tololola katé bhoxi.

Estere 6:10

Muenexi anga u ambela Hamane, uixi: Endelà-ku, u katule izuatu ni kabalu, kala ki ua ki zuelʼiki, u ki bhange muene kua judé Moledekai mukua kuxikama bhu muelu ua sobha. Ku xieku kima, ku iene ioso iii i ua zuela, u i kumbidila muene.

Jobe 22:29

O iá kiʼaia ni ku kulumuka, eie-phe ua kèla uixi: Bhulu! Anga Nzambi ua kà bhulula uoso ua di tolesa.

Jisálamu 138:6

Kuma Jihova sumbala kota dia ngana, maji u suua ió ua batama; mukua izala-phe u mu muena ngó mu kanga.

Jisálamu 18:27

Mukonda athu a tate, eie u a bhulula; maji o ió a tundu mesu ni izala, eie u a bhekela kusebuluka.

Jisabhu 15:33

Uoma ua Jihova kiene o kikômbo ki bheka o unjimu; uinda o kijingo u dianga kubatama.

Jisabhu 18:12

Muẋima ua muthu u di zangelaka, ua-lu sota kibhalu; uinda o kijingu, u dianga o kubatama.

Jisabhu 25:27

Muthu kudia uiki ua vulu, ki kia uabha; kiene ue o muthu ku di mona kijingu kié muène, ki ki bheka kijingu.

Jisabhu 29:23

Muthu mukua ukumbu, o ukumbu uê uene hádia u mu katula o kijingo; maji o mukua muẋima ua batama-phe u bonga ujitu.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 2:17

O kungangamana, ni kuolama kua muthu, a kà ku tununa; ni ku di zangeleka kua makuenze, a kà ku tululula té bhoxi mu mavu; bhu kumbi diodio Jihova muene ngó, ua kà zangalala.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Matesu 23:12

Uoso u di zangeleka, a kà mu tululula; ni ió uoso u di tolesa, a kà mu zangeleka.

Luka 1:51

Ua bhange ima ia nguzu ni lúkuaku luê, ua muanganesa akua izala mu ikutu ia miẋima iâ.

Luka 1:52

Anʼa jingana ua a tulula ku iandu, iú ua bandesa-ku a tolo o majina.

Luka 14:12

Jezú anga uambela ue iu ua mu kuvitala, uixi: Ki u bhanga njandalu mba seialu, kana kuixana o makamba mé, mba jiphange, mba jindandu, mba akua diembu dié a mono itadi. Imoxi ene uâ a ku kuvitala dingi ni a ku bhane vutuilu ia mbote ioso i ua a bhange.

Luka 18:14

Ngi mi ambela kuma, iú ua kulumuka ni muẋima uazele ku bhata diê, o mukuá, kana! Mukonda uoso u di zangula, a mu tulula; o uoso-phe u di tulula, a mu zangula.

Tiiaku 1:9

O phange se uala ngadiama, Nzambi anga u mu bha mbote ku muenhu uê, a tane-ku, kuma a mu bheka ditala dia ujitu.

Tiiaku 4:10

Di tolesienu bhu pholo ia Ngana, muène anga u mi zangeleka.

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

I Phetele 5:6

Uila kiki, batâmenu bhoxi dia lukuaku lua Nzambi lua suina, muène a mi zangeleke bhu kitangana kiatokala.

I Samuuele 15:17

Samuuele uixi: Sumbala eie ua tolele ku mesu mé eʼmuene, maji a ku zangeleka-ze mù kala u mutue ua miji ioso ia Izalaiele; Jihova iú ua ku undu kukala u sobha iâ?