Luka 13:4 - O Mikanda Ikola

⁴ Mba o kuinhi dia muthuʼ odio ni nake, diafu ku sabhalalu ia Silôua, ki ia a lundumukina, mua fika kuma enhó a beta kutondala, akuá oso mu Jeluzaleme ndenge?

Luka 13:4 ပူးပေါင်းရင်းမြစ်များ

I Jisobha 20:30

Anga a xala-bhu, a lengela mu sanzala ia Afeke, hé a suama momo; maji enhó, a xala-bhu, kimbaka kia a lundumukina, anga ki jibha makuinhʼaiiadi ni sambuadi dia midi ia muthu. Benehadade-phe ua lenge, anga uiza mu sanzala, hé u kala mukuila u bokona inzo, u tunda inzo, ni kusuama-suama.

Nehemiia 3:15

Anga Salume, monʼa a Kole-hose, dikota dia sengu ia Mispa, u iudika o Muelu ua Ngunga; u u tunga, anga u u ta o mabhitu ni makumba mê ni milangaji iê hé u iudika ue o kimbaka kia batela ia Sela, bhua zukama ni kadíbhia ka sobha, anga u bhixila muene ku maxita ma kulumuka mu kutunda mu sanzala ia Davidi.

Jobe 1:19

Tala, kueza kitémbue kia dikota, kia tundila mu kikangalakata, ʼkí kia di vundu ku thungi jiuana jaʼnzu, o inzu i ia lundumukina ku thandu diâ, minzangala ia afu ene oso; eme-muène ngó nga subhuka-ku phala ku ku bhekela o njimbu.

Izaía 8:6

Kiedi mundu iú, menha ma Siloua mene ku kunguluka kilendu, a ditunu-u, ia a tana ni Lejime ni monʼa Lemadiia;

Matesu 18:24

Kia kuata ku jikonda, a mu bhekela muthu uadi dikongo dia kuinhi dia midi dia talendu.

Matesu 6:12

Tu loloke o makongo metu, uila etu ki tu loloka oso a tu dia makongo.

Luka 11:4

Tu loloke o ikuma ietu; mukonda etu uetu tu loloka uoso u tu sombola. Ku tu ehele ku di bhala mu ku tu diangula.

Luka 13:3

Nga mi ambela, kana! Enu uenu se mu kamba-phe kudiela, enuʼ enu oso mua-nduʼ fua kiòmuene.

Luka 13:5

Nga mi ambela, Kana! Enu uenu se mu kamba-phe kudiela, enʼuenu oso mua-nduʼfua kiòmuene.

Nzuá 9:11

Muène uixi: Muthu a mu ixana Jezú, ua bhange malôua, ua ngi uaie-nâ mu mesu, iu ua ngʼ ambela, uixi: Ndé, kà di sukule mu dizanga dia Silôua. Eme ngele-bhu, nga di sukula, anga ngi kala mu kumona.

Nzuá 9:7

Anga u mu ambela, uixi: Ndé, ka di sukule mu dizanga dia Silôua. (Dijinʼ idi, mu ku di jimbulula diedi: A mu tumu). Muène anga uia-bhu, hé u di sukula. O mu kuiza, ua-lu mona kiá kiambote.

Jipoxolo 28:4

O matumbu ala mu kikôlo, kia mono o kibâmba kia mu nhenganana ku lukuaku, a di ambela, exi: Muthu iú uedi kala kijibhanganga! Mukonda sumbala ua bhuluka mu menha, maji Ngunza ka mu ehela kukola muenhu.