Luka 13:32 - O Mikanda Ikola

³² Muène-phe, ua ambela, uixi: Ndenu, kà mu ambedienu, o mukenge muenhó, muixi: Talesa eme ngi tundisa madimonho, eme ngi saka jihaxi, ni lelu ni mungu, o kizuua kia katatu, kiene ki ngi tenesa o kikalakalu kiami.

Luka 13:32 ပူးပေါင်းရင်းမြစ်များ

Mukumbi ua Mikumbi 2:15

Ngi kuatedienu mikenge ni tu mikenge tua mu zubha mábhia a ji-uva, kuma mábhia metu ma ji-uva mala kiá ku itulu.

Izekiiele 13:4

Eie Izalaiele, o misesedi ié edi kala mikenge mu jingùndu.

Sofoniia 3:3

Adiakimi a mu kala ku pholo, jihoji ja bhane mu kanu ni kuhunza muʼaxaxi kʼê; o afundixiʼê ala imbungu ia ngoloxi, ki i xisa ifuba phala mungu.

Marku 6:14

Sobha Helode anga u kʼivua, kuma o dijina dia Jezú dia fumana kuene kuoso. Amoxi exi: Nzuá dia Batizu ua fukunuka ku ʼalunga! Kiene kia vudila o kutena kua kubhanga isuma kiki.

Nzuá 10:32

Jezú-phe, uixi: Ikalakalu iambote i nga bhange iavulu, i nga mʼ idikiza, ia ngi tumu Tata kubhanga. Ku ikalakalu iíi, kikalakalu kuẋi ki mu ngi jibhila ni matadi?

Nzuá 19:30

Jezú kia zubha kutambula o mvindangele, uixi: Kuabhu! Ioso iòtenese kiá! Anga u bheteka o mútue uê, muenhu anga u batuka.

Jihebeleu 2:10

O ima ioso i laia phala Nzambi, mukonda dia muène. O muène-phe ua mesena anʼê oso a nomona ue ku fuma iê. Uila kiki, kia fuamena kuila Nzambi u ehela Jezú ku tala jihadi mukonda dia kuiuka. Kuma Jezú muene musonguedi uâ ua kubhuluka.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

Jihebeleu 7:28

Mu kitumu kia Mozé a sola athu a kambe kutenena phala kukala Jinganga-ja-Makota. Maji kizuelu kia muloko ua Nzambi kia kaiela ku Kitumu kia Mozé, kia solo o Mona, muthu ua tenena ua zubha, katé ku hádia ni hádia.