Luka 13:28 - O Mikanda Ikola

²⁸ Bhenhobho bhene bhua-ndu kala o kudila ni ku di kokota ku mazu, ki mu mona Mbalahamu, ni Izake, ni Jakobo, ni jipolofeta joso, ala mu kifuẋi kia Nzambi, enu-phe a mi texi bhu kanga.

Luka 13:28 ပူးပေါင်းရင်းမြစ်များ

Jisálamu 112:10

O kisuéia-phe u ki mona mesu, hé ki mu iibhila; hinu u kokota mazu, u botomokena bhobho; kuma o vondadi-phe ia kisuéia hádia a i kakula.

Matesu 13:42

hé a kà a texi mu kitúbhia kia dikota. Muenhomo muene muà kala o kudila ni ku di kokota ku mazu!

Matesu 13:50

O aiibha há a kà a texi mu kítubhia kia dikota. Kuene kuà kala o kudila ni ku di kokota ku mazu.

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Matesu 24:51

Anga u mu bhana kibetu kiavulu, u mu bhana kididi ni akua mangonha. Kuene kuà kala o kudila ni ku di kokota ku mazu.

Matesu 25:30

O selevende íii kuma ki ia sedivila kima, mu texienu ku kanga kua vundu. Kuenhoko kuene kuà kala o ku dila ni ku di kokota ku mazu.

Luka 10:15

Eie ue, Kafanau, kífua u zangalala katé ku diulu? A-nda kuà ku tununa katé mu ʼalunga!

Luka 14:15

Ki evu o makʼama, muthu uamukuá uala-nê ku meza, u zuela, uixi: Ua zediua uoso u dia mbolo ku meza mu Utuminu ua Nzambi.

Luka 16:23

Ku ʼalunga ki a mu kuata o jiphaxi javulu, u zambula mesu, anga u mona Mbalahamu uala dikanga, ni Lázalu bhu jihata jê.

II Tesalonika 1:5

Bhenhabha-phe, kijimbuete kia di monekena, kia kutetuluka kua iuka kua Nzambi. O ibundu i tunda ku ima ienʼiii, i bhekela ku mi kita kuma mu athu mua fuama mu Utuminu ua Nzambi; mbata o Utuminu uenʼ iú uene u mua mu talela o hadi.

II Phetele 1:11

Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.