Luka 13:19 - O Mikanda Ikola

¹⁹ Kia soko ni mbùndu ia mbutu ia mostarda, ia katula muthu, anga u i kuna mu díbhia diê. Anga i sabhuka, i biluka muxi, o jinjila ja diulu anga jiza ji tula mu jithangu jê, anga ji tunga-mu o ikalanga iâ.

Luka 13:19 ပူးပေါင်းရင်းမြစ်များ

Mukumbi ua Mikumbi 4:12

Ua di bhanga kala kadíbhia ka itulu kʼoxitile, phangʼiami, tâta, bhànga diami! Ua di bhanga kala otho ia menha iòjike, uedi kala fiẋi iote kidimbu ia kambe ku i jikula.

Mukumbi ua Mikumbi 4:16

Kithembue kia thunda, balumuka; zá eie u kithembue kia luiji; bhuselelenu mu kadíbhia kami phala dizumba diê, di-ie ni ku tukumuka, dile muene tungatatá!

Mukumbi ua Mikumbi 6:2

Kazola kami ua kulumuka mu kadíbhia kê, mu mabakala mê ma balsamo ia uasu ua dizumba, mu kunhunga muʼaxaxi ka itulu ni ku kanza itulu iê ia jihonga.

Mukumbi ua Mikumbi 8:13

Eie, tata, ua tunga mu tu mábhia tua itulu, akuenu ia ku kinga, andala kuivua o mbimbi ié; eme uami ue ngʼivise-iu, tata!

Izaía 53:1

Nanhi ua xikana o maka metu? Nanhi muene kua mu tukulukila o lukuaku lua Jihova?

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Izaía 58:11

O Jihova u ku endesa izuua ioso, anga u dikila o muenhu ué mu ididi ia kukuta, hé u ku bhana o nguzu mu ifuba; eie-muene u kala mukuâ ni díbhia diotekele, kala fiẋi ia kunuina, menhʼé kene mu kamba.

Izaía 61:11

Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Izekiiele 31:6

O jinjila joso ja diulu, ja ta jinga o ikalanga iâ mu jithangu jê; o iama ioso ia mukáu ia vualela jinga moxi dia isasa iê, o miji ioso ia makota ia xikama jinga mu kilembeketa kiê-muène.

Daniiele 4:12

Mafe mê makemba kiambote, o ibundu iê ianzungule, usanga ene oso huta iâ itunda kuenhuku; iama ia mukáu iasange kididi mu kilembeketa kiê, jinjila ji bhita bhulu jitunga mabhata mâ mu jithango jê, xitu ioso hé ienda ni ku di-dikila ku muẋi uenhú.

Daniiele 4:21

ni kuila mafe mê makembe, o ibundu nzungule, ua bhingi ene oso a tuta huta iâ ia kúdia kuenhuku, o iama ia mukáu anga i tunga mu kilembeketa kiê, o jinjila jibhita bhulu anga ji tunga mu jithangu jê.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Matesu 17:20

Muène ua ambela, uixi: Mukonda o kuxikana kuenu kua tolo. Kuma ngi mi ambela kidi, se mu kala ni kuxikana né kua sokoʼé ngó ni lumbundu lua mbutu ia mustarda, mua kʼàmbela mulundu iú, muixi: Sondoloka bhabha, uie bhaná! Uene ua kà sondoloka. Enu mu kala ni kutena, kana kima ki mu lémbua. [

Marku 4:30

Uixi: O Utuminu ua Nzambi tu u fika kiebhi? Tu u lombolola ni kixanga kiahi?

Luka 17:6

Ngana uixi: Se mua kexile ni kuxikana kua soko ni lumbundu lua masangu, mueji kuambela muxi iú ua mukuzu: Tukuka bhabha, ua kà di phaphe mu ʼalunga! Uene-phe uejú mi tumaka.

Jipoxolo 2:41

Bhenhobho-phe avulu a tambulula o njimbu ia Phetele, anga a a batizala. Ku iá a mu kaiela Jezú, anga ku di banda kua ene kizuua kienhokio, manhi mba midi jitatu ja mienhu ia athu.

Jipoxolo 21:20

Ene kia zubha ku mu ivua, a ximana Nzambi, anga a mu ambela, exi: Ua mono, mukuetu, o Jijudé ja xikana mu ukidistá ja tena jimidi ni jimidi, maji ene oso a suinina o Kitumu kia Mozé.

Jipoxolo 4:4

Ku athu evu o maka-phe, ku kala avulu a xikana. O mundu ua ia a xikana, anga u tena konda ia midi jitanu.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!