Luka 12:56 - O Mikanda Ikola

⁵⁶ Akua mangonha! Enu muejiia kutungula o pholo ia ixi ni diulu, mua lémbua-phe kiebhi kutungula o izuua i tualʼ iii?

Luka 12:56 ပူးပေါင်းရင်းမြစ်များ

I Malunda 12:32

O ku ana a Isakale, aditungula mu uijidilu ua kuijiia kiambote o ithangana, phala kutongolola ioso Izalaiele iafuama kubhanga, hama jiiadi ja atumini-â, o jiphange jâ joso a kala mu kaiejela o kizuelu kiâ.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Matesu 16:3

Mu kimemene, muexi: Lelu mvula! Kuma ku diulu kua kusuka, kualômbo. Akua mangonha! Muejiia kutungula o pholo ia diulu, maji mu lémbua kutungula o ijimbuete ia jithembu!

Matesu 6:2

Ki uila u bhanga o mbote-phe, kua iu ua bhindama, kana kutuamekesa koloneta ku pholo, uila ki bhanga akua mangonha, mu malombe ni mu jinzunga, ihi o kukala ni fuma ia athu. Ngi mi ambela kidi: ene a tambula kiá kisakidilu kiâ.

Ngalásia 4:4

Maji kieza o thembu iatenena, Nzambi ua tumikisa Monʼê muene. Muene iú ueza kala mona a mu vuala ku muhatu mu ngongo, a mu vuala iú ua kudila bhoxi dia Kitumu kia Jijudé.