50 Sai-phe batizu ia bhingi ku ngi batizala na-iu; muẋima ua ngi suku, katé ki ngi ki kumbidila.
Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.
Muène anga u kala mu ku a batizala mu honga ia Njolodá, ni kufisala o ituxi iâ.
Ngana Jezú hé u zuela dingi, uixi: Eme ngeza mu bheka túbhia mu ngongo! Kiene ki ngi kʼindi kiebhi, se o tuene tua uama kiá?
Jezú anga uambela Phetele, uixi: Fomeka o xibhata ié mu kizu! Eie ua fika kuila dikáu dia ngi bhana Tata, manhi ngi kamba ku di nua?
Jezú kia zubha kutambula o mvindangele, uixi: Kuabhu! Ioso iòtenese kiá! Anga u bheteka o mútue uê, muenhu anga u batuka.
Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.
Kia zubha-phe jiphange jê kubanda ku fesa, muène ue u banda, kana ni kutukuluka, suke ni kusuama.
O kiki-phe, talesenu, mu kutumaka o Nzumbi Ikôla, muẋima ua ngi bhindamesa kuia ku Jeluzaleme, sumbala kioso kia kà ngi bhita koko ki nga kʼijiia.