Luka 12:48 - O Mikanda Ikola

⁴⁸ Maji uoso-phe ka kʼijiia, kioso kiandala ngana iê, maji u bhanga ima ia tokala o ku mu beta, a mu beta ni jisanzu jòfele. Kala kiki, uoso a mu bhana kiavulu, a mu bhinga ue kiavulu. O kua ió uoso a mu bhakesa kiavulu, kuene ue kua beta dingi o kubhinga.

Luka 12:48 ပူးပေါင်းရင်းမြစ်များ

Ijila 5:17

Se muthu u ta kituxi, u bhanga kima kioso-kioso ku ima ia kidika Jihova kuila kana ku i bhanga; né muene ka kʼijiia, hanji u kala ni kuêla, o kikuma kiê uenda na-kiu, ka tena kulunga.

Dialuilu 15:27

Hé muthu umoxi u ta kituxi kia kutondala, ki kia luelu, muene-phe u bheka hombo ia mukaji ia muvu umoxi ia sata ia kituxi.

Matesu 13:12

Kuma uoso uala, muène a mu bhana, mbé a kale ni kiavulu. O uoso-phe kala, ni kiki kiala na-kiu a mu tambula-kiu.

Matesu 23:14

Lamba dienu, mu jimesene ja kulonga Kitumu ni enu mu jifalizeu, mu akua mangonha! Kuma atudi mu a bhanga ufe, hé mu dia o mabhata mâ, uii uenu anga mu u suekela mu kubhana misambu ialebha! Kiene ki mua kaú tambuila kaxtiku ka beta ukota!]

Luka 12:41

Phetele anga u mu ambela, uixi: Ngana, kifikʼokio ua tu tela-kiu ngoho etu, inga ene oso?

Luka 12:49

Ngana Jezú hé u zuela dingi, uixi: Eme ngeza mu bheka túbhia mu ngongo! Kiene ki ngi kʼindi kiebhi, se o tuene tua uama kiá?

Luka 16:2

Anga u mu ixana, u mu ambela, uixi: Ngala ku kuívua kiebhi? Ima iala ku kutanga ia kidi? Bhana konda ia umbadi ué, mukonda kutena dingi kukala u kimbadi kiami.

Nzuá 15:22

Ene keju kala ni kituxi, se Eme nga kambele kuiza kuzuela-nâ. Maji o kiki-phe, kala dingi ni maditatu ma ituxi iâ.

Jipoxolo 17:30

Mu jithembu ja kukamba ku kʼijiia, Nzambi ua dixibhidiê. Maji o kiki-phe ua tumu athu oso mu ngongo kudiela ni kueha o ituxi iâ.

Matendelelu 25:2

Se mukua mulonga uatokala ku mu beta ni ku mu bha isanzu, mufundixi u tuma ku mu zekesa bhoxi, anga u mu betesa muene bhu pholo ié, u mu xindila konda ia kaxtiku ka soko ni mulonga uê.

I Timote 1:11

O ulongelu ua kidi iú, uala mu Njimbu Iambote ia ngi bhana eme kuia ni ku i tula—o Njimbu Iambote ia tundu kua Nzambi Ukôla, mukua fuma.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.

I Timote 6:20

Timote, tata! Aiuka kiambote kioso kia ku bhana kulunda. Ditune jinge o kubuabuala kua ulalu kua ibhila Nzambi, ni kukuata jiphata ja uoua u exana ene exi unjimu, manhi unjimu ua makutu.

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.

Tiiaku 3:1

Enu phange jami, athu mudienu ka vudile ku di bhanga jimesene ja kulonga maka mu Ngeleja, kuma mua kʼijiia kuila etu, tua mu longa o maka, hinu tua kà kala kota mu kuêla athu oso ndenge, hàdia kia kà tu fundisa.