Luka 12:42 - O Mikanda Ikola

⁴² Ngana Jezú, uixi: Nanhi-phe o kimbadi kia mukua kidi, mukua kilunji? Muenhó, ngana iê ua mu bhake ku pholo ia abhikʼê, ni a a bhane kúdia kuâ mu ji-ola ja tokala.

Luka 12:42 ပူးပေါင်းရင်းမြစ်များ

Makatukilu 36:4

Jihete jala mu kalakala ufunu uoso ua dibhezelu, anga a tunda ku sedikvisu iâ.

Jisabhu 12:8

Muthu kioso kia soko o unjimu uê, kiene ue kia ká mu tumbula; maji o semenhi ia muẋima-phe, athu oso a mu sebulula.

Jisabhu 15:23

Muthu kuijiia kuvutula kizuelu kiambote ni dikanu diê, ki mu sanguluisa; kuma o kizuelu kiene mu touala bhu thembu iê!

Jisabhu 27:18

Uoso uinga mufiku, ku mufiku udia-ku ibundu iê; uoso ue uxibhidila ngana iê, u tambula ujitu.

Jisabhu 31:15

Usuku hanji, muene uabalumuka kiá, iu uanena kiá akua dibhata diê o kúdia; abhikʼê a ahatu iu u a uanena kiá kia kubhanga.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Jelemiia 23:4

Hé nga kà ji bhana abidi a tokala o ku jinga, o jene ki mungu dingi jà kala ni uoma, mba jiia ni kusasumuka, mba bhu kala ngó imoxi i kamba-ku, Jihova ua ki tange.

Izekiiele 34:3

O maji a jimbudi mu dia, o kindemba kiê mu zuata; o iòbhange mu i batula o xingu; maji mua tokoka o kuinga jimbudi.

Matesu 13:52

Kuala muène: Uila kiki, mesene ioso u longa o Kitumu, hé u di bhanga xibulu ia Utuminu ua Diulu, u difangana ni tata ua tambula konda ia dibhata, u katula mu dilundilu diê ima ióbhe ni iókulu.

Matesu 20:8

Kutula mu ngoloxi, mukua mulenga uambela kaxelu kê, uixi: Ixana o jingunza, u a bhane o futu iâ. U matekena kua ió a sukidila kubokona, o ió a diangele kubokona a kaiele kuema.

Luka 12:43

Mubhika ió u zediua kʼiza ngana iê ni a mu sange ua kumbidila!

Luka 7:13

Ngana kia mu mono, henda ia mu kuata, anga u mu ambela, uixi: Ku dile.

Luka 7:19

Nzuá anga uixana kiiadi ku jixibulu jê, u a tuma kua Ngana ku mu ibhudisa, kuila: Eiʼmuène iuná a mu tanga-jinga o kuiza, inga tu kinga muthu uengi?

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

I Timote 5:17

Adiakime a tumina ni kukalakala kiambote mu Ngeleja, mu xinganeka kuma a fuama o ujitu uâ u di budika, uoso u mu a bhanga, kota-kota-phe a kalakala mu kuboka o Njimbu Iambote ni kulonga o uendelu uambote mu ukidistá.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Tito 1:7

Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

Jihebeleu 13:7

Lembalalenu athu a mi kexile ku pholo, a kexile ku mi tangela o maka ma Nzambi. O ki mu xinganeka jinga bhua sukila o uendelu uâ mu ngongo, a fikisienu mu kuxikana kuâ.

Jihebeleu 3:5

O Mozé kidi kiene, ua kexi fiiele mu kikalakalu kiê mu dibhata dioso dia Nzambi. Ua kexi-phe selevende ia kidi, hé u kala mbangi ia Nzambi ia ima ioso ia xedi-ku mu ku i zuela ku hádia.

I Phetele 4:10

Muthu uoso uhete uê ua tambula kua Nzambi a u kumbidile mudienu, kala mufuni ua mbote ua kiadi kia Nzambi kia vula o matelu phala mbote ue ia akuâ.