Luka 12:37 - O Mikanda Ikola

³⁷ Azediua abhika ió, ki vutuka ngana iâ, u a sanga a tono. Ngi mi ambela kidi, kuma muène u di bhola, u a xikamesa ku meza, hé ua emanena ni ku a xibhidila.

Luka 12:37 ပူးပေါင်းရင်းမြစ်များ

Izaía 62:5

Kala munzangala ua diiala kia sakana ni kilumba, kiene ue anʼé kia-nda kusakana nʼeie; kala ngaiàla kia sendukila o dibhanga, kiene ue Nzambi ié kia-nda ku ku sendukila eie.

Jelemiia 32:41

Anga ngʼenda ni ku sanguluka muene mukonda dia ene, kioso ki ngiia ni ku a bhanga o mbote, hé ngʼa kuna muene mu ixi muenhumu, ku kidi kiene, ni muẋima uami uoso ni muenhu uami uoso.

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Matesu 24:42

Langidilenu-phe! Mbata kizuua kià keza Ngana ienu ki mua kʼijiia.

Luka 12:36

Mu di fangana kala athu a kinga ngana iâ, kia vutuka ku fesa ia ukaza; phale o kieza, ni a bunde ku dibhitu, a mu jikuila lusolo.

Luka 12:43

Mubhika ió u zediua kʼiza ngana iê ni a mu sange ua kumbidila!

Luka 17:8

Ki ki xikina, lémbua! Kikale u muila: Ngi bhangele hanji kùdia, ngi Seiale, eie u di kute, u ngi xibhidile, katé ki ngi zubha kúdia ni kúnua; eie ue kiene kiua ki udia anga unua.

Luka 21:36

Uila kiki, di langienu-phe ithangana ioso, ni kudionda mu kusamba, phala mu tene kubhuluka ku ima ioso iíi, ni kuimana nzànza bhu pholo ia Monʼa Muthu.

Luka 22:27

Mukonda nanhi ua beta o ukota? Iú ua xikama ku meza, inga iú ua mu xibhidila? Ua xikama ku meza, ki muène kota? Eme-phe ngala mu ʼaxaxe kenu, kala muthu ua kuxibhidila.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

I Kolindo 2:9

Uila kiki-phe, kia ki soneka mu Mikanda Ikôla, exi: Ima kiluua mesu a i mona, kiluua matui a ʼivua, Kiluua ngó muẋima ua muthu u i fika kuila hadia i bhita, Iene ima ia iudika Nzambi mu ku i bhana oso a mu zola.

Filipe 1:21

O muenhu-phe, kima kiahi? Kuma eme ki ngalʼ iki, o muenhu muène Kristu. O kufua, kubhanduluka.

Filipe 1:23

Ngala-phe bhu kibhidi kia ngi phopheka ku mbandu ni mbandu, mukonda ngala ni vondadi iavulu ia kukatuka kunu, phala kuà kala-mi kiá ni Kristu; kuma ujitu uê u kala kotʼ èlele.

II Phetele 1:11

Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.

II Phetele 3:14

Uila kiki-phe, enu akuetu, nga mi zola, kuma mua kinga o Kizuuʼ okio, kuatenu muanu phala ki mi sange muala ku paze ni Nzambi, sé ngó dixaka, sé kuêla, ku mesu mê.

Dijingunuinu 14:13

Anga bhenhobho ngʼívua dízui di tunda mu diulu, dixi: Kiki soneka-kiu; Azediua o madifundu tundé kiki a fuila mu kikalakalu kia Ngana! O Nzumbi ia Nzambi anga uitaia, uixi: Eua! Kiokio kidi muene! Mukonda ene a kà nhohaku kiá ku ikalakalu iâ, ia hadi, mbata o mbote i tunda mu kukalakala kuâ, a kàia na-iu.

Dijingunuinu 16:15

Ivuenu: Eme hinu ngʼiza kala ngi muii! Ua zediua ió uoso ua di lange, ua bhake kiambote o izuatu iê, phala kende ni tuẋi, nʼa mu kuatese jisonhi bhu pholo ia mundu!

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 7:17

Kuma o Kambudi uene muʼaxaxe ka kiandu, u kala mubidi uâ, muène u a endesa jinga bhu jithu ja menha ma muenhu. O Nzambi anga ua kondona masoxi moso mu mesu.