Luka 12:28 - O Mikanda Ikola

²⁸ Nzambi-phe kia zuika kiki o iangu ku mukáu, iala kuila i nanga lelu, o mungu a i ta kiá mu túbhia, kífua u kamba kiebhi ku mi zuika enu, enu mua tolo o kuxikana?

Luka 12:28 ပူးပေါင်းရင်းမြစ်များ

Izaía 40:6

Dizui-phe diambe: Dikole; muene-phe uixi: Ngi kola kima kiahi? Xitu ioso mukuâ ni iangu, o kuuabha kuê kuoso mukuâ ni itulu ia iangu mu mukáu.

Matesu 14:31

Kindala kienhókio Jezú u sunununa lúkuaku luê, u mu kuata, anga u mu ambela, uixi: Eie ua tolo o kuxikana, phata ia ku kuatela-hi?

Matesu 16:8

Jezú kia ki mono, uixi: Enu tata, mua tolo o kuxikana, muala ku difuetela-hi mudienu, mukonda dia kukamba kuambata o jimbolo?

Matesu 17:17

Jezú anga u kumbulula, uixi: Muiji ua kambe o kuxikana, ua thathamana! Ngi kala ni enu katé bhebhi? Katé bhebhi ngi kala ni ku mi xididikila? Monʼé ngi bhekele-nê bhabha!

Matesu 17:20

Muène ua ambela, uixi: Mukonda o kuxikana kuenu kua tolo. Kuma ngi mi ambela kidi, se mu kala ni kuxikana né kua sokoʼé ngó ni lumbundu lua mbutu ia mustarda, mua kʼàmbela mulundu iú, muixi: Sondoloka bhabha, uie bhaná! Uene ua kà sondoloka. Enu mu kala ni kutena, kana kima ki mu lémbua. [

Matesu 6:30

Ngana Nzambi phe kia zuika kiki o iangu ku mukáu, iene mu kuila i nanga lelu, mungu a i ta kiá mu túbhia, kífua ki ki mu kala kotʼ èlele o ku mi zuika enu, enu mua tolo o kuxikana?

Matesu 8:26

Muène-phe ua ambela, uixi: Mualela-hi ni uôma, enu mua tolo o kuxikana? Anga u fundumuka, u bazela o kitembu ni menha ma kizanga; kuma anga ku tululuka, ku di xibha kiambote.

Luka 8:25

Anga uambela o maxibulu mê, uixi: O kuxikana kua mi kala kuebhi? Ene-phe mukonda dia uôma, a bhuuama, anga a di ambela mudiâ, exi: Muenhú muene nanhi, ua bhingi u bazela ni mulenge, ni menha, anga a mu tumaka?

Jihebeleu 6:7

Kuma o mavu mʼombama ni mvula iene ku noka jinga, se ma bana idima ia mbote i uabhela oso ene ku ma dima, ma tambula dibesá kua Nzambi.

I Phetele 1:24

Kala ki ambe o Mikanda Ikôla, kuma: Athu oso mukuá ni iangu ia mukau, o unéne uâ; kuuabha kuê kua kitulu kia iangu. O iangu i lela, o itulu i lalumuka,