Luka 12:20 - O Mikanda Ikola

²⁰ Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Luka 12:20 ပူးပေါင်းရင်းမြစ်များ

Estere 5:11

Hamane anga u a tangela o fuma iê ia jimbongo jala naju, ni kusokoloka kuê kua kuvuala ana avulu, ni kijingo kioso kia mu bhana muenexi, ni ditala dia mu tula, jifixiiadi joso ndenge ni akua mbèle oso ku mbanza.

Jobe 27:8

Mbata o mukua mangonha o kudielela kuê kua kà kala kuahi, kioso kia zubha kukala kinjenje, o Nzambi hé u mu sua o muenhu ué?

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 49:10

Kikale ene oso muene mu aia; ni njimu i fuê; ni kiôua ni bulutu ene oso kiómuene, o jimbongo jâ a ji xila akuá.

Jisálamu 73:19

Kindala muene athu bhua kexile a-bhu-bhu; a diuana kisuma, ajimuka ni kimbulambula.

Jisálamu 78:30

Kioso-phe kúdia kuala hanji mu kanu, kua a kumu kiá;

Jisabhu 10:2

Jimbongo ja kubhuma jene mu di bota; maji o kuiuka ku kudila muthu ku kalunga.

Jisabhu 11:4

Jimbongo ki ji tena kubhandulula ngana iê bhu kumbi dia njinda; maji o kuiuka ku kudila muthu ku kalunga.

Jisabhu 13:7

Sai-ku athu a di-bhanga kala jimvuama, mbé kala ni kima; sai-ku ue-phe a di-bhanga kala jingadiama, maji mbongo jâ jivula.

Jisabhu 27:1

Ku te nzabala ia kizuua kia mungu, mbata ioso ia-nda kuiza na-iu o kizuua kia mungu eie kua ijiia.

Jisabhu 28:8

Uoso u sokolola o jimbongo jê mu ku vualesa kitadi kia sobhesa, ni kubhunda-bhunda ngó akuâ, ua-nda ku ji bhongoluela ió uoso uene mu kala ni henda ia ngadiama.

Izaía 56:12

Ene kia di ambela, ela: Zenu, nga-nda kuiza ni vinhu, nda tu nue tu kodiue; lelu kiene mungu ue kiene, maji mungu tuxia muene fuma.

Jelemiia 17:11

Mukua ni nguadi uongeka maiaki, sè ku ma langela; kiene ue ki kala o muthu u bhongolola jimbongo, ja tambula ngó kioso-kioso; o kia bhixila mu kaxi ka izuua iê u ji xa, o ku dizubhilu diê u kituka kioua.

Amoji 6:13

Enu-phe mua akua kusangulukila kingoho, muamba muexi: Etu manhi kia tu jingisa kʼo nguzu ietu?

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Luka 11:40

Ioua! Uoso ua bhange mbandu ia kanga, ki muène ue ua bhange o mbandu ia moxi?

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

I Timote 6:7

Mukonda mu ngongʼumu ki tueza-mu ni kima, ki tua-ndu tena ue kuambatamu kima!

Tiiaku 4:14

Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!