Luka 11:48 - O Mikanda Ikola

⁴⁸ Kienhiki muala mu jimbangi, kuma mua londekeza kuila enu mua xikana ue o ikalakalu ia jitata jenu. Mukonda ene a ji jibha, enu-phe mua ji tungila o jimbila.

Luka 11:48 ပူးပေါင်းရင်းမြစ်များ

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Jobe 15:6

O dikanu dié, diene di ku belesa, kʼeme, kana; o mizumbu ié iene ia kala jimbangi ja ku tatela (ku mulonga).

Jisálamu 64:8

Hinu-phe u a mona kia di bhukana, kuma o dimi diâ ene dia kà a bheka mu kusekala; oso a kà ki mona ni mesu, a kà lenga.

Izekiiele 18:19

Maji enu muexi: Mukonda diahi o mona kʼambata o ikuma ia tatʼâ? Mukonda o mona ua bhange iaiuka, uejiia o kubatula kidi, iu uaiuka o jingonge jami ni ku ji bhanga, kala kiki u laia muene.

Matesu 23:27

Lamba dienu, mu alongi a Kitumu ni enu mu jifalizeu, mu akua mangonha! Kuma mua difangana jimbila jókunge hàla jí jazele. Ku kanga mu ji mona jauabha, moxi manhi muezala ifuba ia athu áfua, ni dixidilu dioso.

Matesu 23:31

Kienhiki muala mu jimbangi, kuma mu anʼa enhó a jibhile o jipolofeta.

Luka 11:47

Lamba dienu! Mukonda mu tunga ni uhete uoso o jimbila ja jipolofeta, maji jitata jenu ene muene a ji jibha.

Luka 11:49

Mukonda dia kiki, Nzambi mu uhete uê uambe kuma: Ngi mi tumikisa jipolofeta ni jipoxolo. Jimoxi mua-ndu ji jibha, o jamukuá mua-ndu ji zukutisa.

Loma 1:32

Athu kala kiki, sumbala kijila kia Nzambi a kʼ ijiia, kuma oso akua kubhanga ima kala íii, a tokala kufua, u sanga hanji a jijila o ku i bhanga. O kia di te-ku,—ka i bhange ngó ene,—maji ni athu engi kia a mona ia a i bhanga, ene a a suinisa.

Tiiaku 5:10

Xinganekenu, enu jiphange, o jipolofetʼ ojo ja zuelele mu dijina dia Ngana, kia tu bhana phangu mu kutala hadi, ni mu kukuata kinhenge.

Josuué 24:22

Eme Josuué, uixi: Kalenu-phe mu jimbangi, kuma enu-enu mua solo Jihova, phala ku mu bhikila. Kuala ene, exi: Tu jimbangi muene!