Luka 11:4 - O Mikanda Ikola

⁴ Tu loloke o ikuma ietu; mukonda etu uetu tu loloka uoso u tu sombola. Ku tu ehele ku di bhala mu ku tu diangula.

Luka 11:4 ပူးပေါင်းရင်းမြစ်များ

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

I Jisobha 8:34

eie-phe ku maúluʼoko ívua, u loloke o kituxi kia kifuxi kié kia Izalaiele, phala Izalaiele u mu bheke dingi ku ixi i ua bhana o jitata jâ.

I Jisobha 8:36

eie-phe ku mauluʼoko ivua, phala u loloke o kituxi kia abhikʼé ni kia kifuxi kia Izalaiele, ni ku a longesa o njila iambote, mua fuama o kuendela, nda u bhane mvula mu ixi ié i ua bhana o kifuxi kié mu undundu.

Jisálamu 121:7

Jihova u ku xitila kuoso kuambe ku ku bhanga o phulu; muene u ku inga o muenhu ué.

Jisálamu 25:11

Nga ku diondo, mu dijina dié, u Jihova, ngi loloke o kubhukumuka kuami, mukonda kuavulu!

Jisálamu 25:18

Xinganeka o kukenanana kuami, ni kubhondalala kuami, u ngi loloke o ituxi ioso ia ngi nemena.

Daniiele 9:19

Eie Jihova, tata, ivua! Eie Jihova, tata, loloka! Eie Jihova, tata, tu suue, u sakalale mu kalakala, kana kukokoloka! Nga ku bhingi mu dijina dié eʼmuene Nzambi iami, tata; kuma diembu dié ni mundu ué afumana kuma a kutokala.

Hozeia 14:2

Endenu ni ku di tela mudienu maka a kudiela, phala mu vutuke kua Jihova. Ngana mu tangedienu, kuila: Tu loloke o ikuma ietu ioso, u tu tambulule; bhu kididi kia ku ku satela tungombe, xikina, Ngana, o sata ia ujitu i tunda ku mizumbu ietu, kuma diene dibhôko di tua ku tela.

Matesu 18:35

Ni Tata iami mu diulu, kiene kia kà mi bhanga enu, se ku miẋima ienu mu kamba kuloloka mu kidi mukuenu uoso-uoso u mi bhanga kima kiaiibha.

Matesu 26:41

Langidilenu, mu sambe, phala ki mu di bhale mu mubhetu ua Nguma. Nzumbi ia xikina kidi o kùlua ni jitendasá, maji o xitu-phe ia bhuila.

Luka 11:5

Jezú u a ambela dingi, uixi: Xinganekenu hanji, se muthu mudienu u kala ni dikamba diê, anga uia kua muène, mu ʼaxaxi kʼosuku, hé u mu ambela, uixi: Kamba diami, ngi sobhese jimbolo jitatu.

Luka 13:4

Mba o kuinhi dia muthuʼ odio ni nake, diafu ku sabhalalu ia Silôua, ki ia a lundumukina, mua fika kuma enhó a beta kutondala, akuá oso mu Jeluzaleme ndenge?

Luka 22:46

Enu-phe mua zekela-hi? Balumukenu, mu sambe, phala ki mu di bhale mu tendasá.

Luka 8:13

Oso ala ku thanduʼ a matadi, ene, ki évua o maka, a ma tambulula kiambote; ene-phe kuma a kambe jindanji, a xikana ngó kathangana, o bhu kumbi dia phaxi, a lémbua-ku kiá.

Nzuá 17:15

Ki nga bhingi kuma u a katula mu ngongo, maji nga bhingi kuila u a enga, u a kudila kua Diabhu ió ua bhukumuka.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

Kolose 3:13

Mu di lendukile ni kudikuatekesa mudienu, mu di loloka, se bhuala muthu ua di kuata ni mukuá. Kala muthu a loloke mukuá kala kioso Nzambi kia mi loloka enu, kiene ue ki mu bhanga jinga.

II Tesalonika 3:3

Maji o Ngana-phe uala fiiele. Muène u mi suinisa, u mi langa, phala o Mudiangudi ió ka mi kuate.

II Timote 4:18

Ngana hanji u ngi kudila ku phulu ioso i ambe ku ngi bhanga, hé u ngi bhulula katé ku Mbanza iê ia diulu. O fuma ioso i kale ia Muène katé ku hádia ni hádia. Amén.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.