Luka 11:32 - O Mikanda Ikola

³² Mu kizuua kia kufundisa, o mundu ua akuâ Ninive ua kà balumuka mu kufunda kumoxi ni mundu ua muiji iú, hé a kà uêlesa, mukonda ene akuatele kikote anga a diela ituxi iâ, kioso kievile o Njimbu ia a bokelele Jona. Maji ijiienu-kiu-phe kuma, bhenhabha, bu tuala, sai-bhu ua tundu Jona mu ukota.

Luka 11:32 ပူးပေါင်းရင်းမြစ်များ

Jona 3:4

Jona anga u mateka kubokona mu mbanza, uende hanji ngó dikanga dia kizuua kimoxi, hé u boka, uixi: Kua kambe ngó makuinhi a uana a kizuua, Ninive a-nda ku mu sengulula, u jima mbutu.

Jona 3:5

Akua Ninive anga a xikana Nzambi; anga a kola ngonge ia kujila, hé a zuata jisaku ja kidinhaji, tunde ku dikota katé ku ndenge.

Jona 4:9

Bhenhobho Ngana Nzambi u tangela Jona, uixi: Kifua ua fika kuma eie ua lunguʼé kukala ni njinda mukonda dia músala ua dinhángua? Jona uitaia, uixi: Xi! Nga lunguʼami muene, o kukala ni njinda ni kuinda kúfua.

Matesu 12:39

Muène-phe u a vutuila, uixi: Muiji ua akua-phulu, ua akua jiphànda, ua bhindamena kisumua! O kisumua-phe ka a bhana-kiu, kikale ngó o kisumua kia polofeta Jona, kuabhu!

Matesu 12:41

Mu kizuua kia kufundisa, akua Ninive a kà funda ni muiji uenhú, nʼa u belesa; mbata kiene kievile ngó o maka ma Jona, ituxi iâ a i diela. Bhenhabha-phe sai-bhu ni Iú ua tundu Jona!

Luka 11:31

Mu kizuua kia kufundisa, Sobha-ia-Muhatu, ia Sulu, ua kà balumuka mu kufunda, kumoxi ni enu mu mala a muiji iú, hé ua kà miʼêlesa; mukonda muène ua tundile dikanga ku maẋokololo ma ixi mu kuívua o uhete ua kuijiia kua Solomá. Maji, ijiienukiu-phe kuma, bhenhabha bhu tuala, sai-bhu ua tundu Solomá mu ukota!

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.