Luka 11:22 - O Mikanda Ikola

²² Se kuiza-phe kindanda kia mukuá kia mu tundu ku nguzu, anga u mu tolola, hé u mu tambula uta uê ua dielela, u mu bhûnda imbamba ioso ia kexi na-iu hé u i uanauana.

Luka 11:22 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Makatukilu 15:9

Kuala o nguma: Ngi kaia, ngi kuata, tu uane o mbole; nga kà a bhanga kia ngi kala ku muxima katé kia kumu; xibhata iami ngi i tomona, o lukuaku luami lua kà a buikisa.

Izaía 27:1

Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Luka 11:21

Kindanda-phe se kiala ni uta, hé ki langidila o dibhata diê, jimbongo jê jòlunde kiambote.

Luka 11:23

Uoso ka di te kumoxi ni Eme, ua di te ku unguma; uoso ka ngi bhongoluesa, mukua kumuanga.

Efezo 6:11

Zuatenu kibhakatu kioso kia mi bhana Nzambi, phala mu di fikidile mu kubhânga ni jindunge joso ja Diabhu.

Efezo 6:13

Uila kiki, sungenu o kibhakatu kioso kia Nzambi! Phala ki bhixila o kizuua kiaiibha, mu tene kubangâma mu kubhânga ni Nguma, katé ki muila iene ioso mua, i zubha, hanji muemana mu ididi ienu.

Kolose 2:15

O jinguzu ja maukota ni maungana ji fudisa mu nzumbi, Kristu ua ji tolola, ku dikulusu diê. O maukota ni maungana enhó a fudisa mu nzumbi, iú ua a bhake mu kanga ni ku a tadika ku jisonhi kioso kia kola o kikoue ku dikulusu dienhodio, ni ku a bhanga jihutile jê.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.