Luka 11:20 - O Mikanda Ikola

²⁰ O ki ki kala-phe eme nga tundisa madimonho mu mulembu ua Nzambi, kia kidi muene kuma Utuminu ua Nzambi ua mi tula.

Luka 11:20 ပူးပေါင်းရင်းမြစ်များ

Makatukilu 8:19

Bhenhobho-phe o imbanda ambela Falaó, exi: Iú mulembu ua Nzambi kiá; Falaó-phe u kola muxima, ka ẋikina ku a evua, kala kia tange Jihova.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Matesu 12:28

O ki kala-phe ngi kaia madimonho mu nguzu ia Nzumbi ia Nzambi, ijiienu-kiu-phe kuma Utuminu ua Nzambi ua mi tukulukila.

Matesu 3:2

Dielenu! muehe o ituxi ienu, kuma utuminu ua diulu ua zukama.

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Luka 10:11

Katé ni fufuta ia tu naminina ku inama mu mbanza ienu, tu mi kukumuina-iu. Maji-phe, tumenu ku kʼijiia kuma: O Utuminu ua Nzambi ua mi tula.

Luka 10:9

Mu saka jihaxi joso ji mua sange-mu, hé mu ambela o mundu uala mu mbongeʼomo, muexi: Utuminu ua Nzambi ua mi tula.

Luka 11:21

Kindanda-phe se kiala ni uta, hé ki langidila o dibhata diê, jimbongo jê jòlunde kiambote.

Jipoxolo 20:25

Kiki-phe talesenu, nga kʼ ijiia kuma enu oso mu nga nhungina jinga ni kulonga o Utuminu ua Nzambi, o pholo iami ki mua kà i mona dingi.

II Tesalonika 1:5

Bhenhabha-phe, kijimbuete kia di monekena, kia kutetuluka kua iuka kua Nzambi. O ibundu i tunda ku ima ienʼiii, i bhekela ku mi kita kuma mu athu mua fuama mu Utuminu ua Nzambi; mbata o Utuminu uenʼ iú uene u mua mu talela o hadi.