Luka 10:6 - O Mikanda Ikola

⁶ Se bhu kala-phe mukua uembu mu dibhatʼomo, o uembu uenu u mu tula ku thandu diê; se kana-bhu, u mi vutukila dingi enuʼenu.

Luka 10:6 ပူးပေါင်းရင်းမြစ်များ

Jisálamu 35:13

Ene-phe kia kexe mu kata, eme ngi zuata kidinhaji; ngi di bhinjika muene ni kujila o kúdia; ngi kala mu samba ni mútue uabhetama.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Luka 10:5

Inzo ioso i mua kà bokona, mu dianga kuila: O kutululuka kukale mu dibhata didi.

Luka 10:7

Hé mu kala mʼonzo muenhomo, ioso ia mi bhana, iene i mu dia, i mu nua. Mukonda o mukalakadi ua fuama o nganhu iê. Ki mu kale mù kuila mu tunda inzu, mu bokona inzu.

Efezo 5:6

Ki bhu kale muthu u mi nganala ni maka ma usemenhi; kuma ima ienʼ íii iene i bheka o njinda ia Nzambi ku thandu dia oso abhukumuka.

II Tesalonika 3:16

Kiki muène, Ngana ia kutululuka, a mi bhane jinge kutululuka mu ima ioso.

Tiiaku 3:18

Mukonda o ibhangelu ia tokala o kuiuka, iene o ibundu ima ku mbutu ja kunu ni kutululuka kuala athu ka moneka mvunda.

I Phetele 1:14

Mu kala mu ana mua tumaka Nzambi; ki mu kaiele o funza ia maluimbi menu mokulu mu thembu ia uoua.

I Samuuele 25:17

Kiki-phe eie ijiia na-kiu, u tongolole kioso ki u bhanga, kuma muadiʼetu kua-nda ku mu iza divuua, anga u senguluka ni dibhata diê dioso. Muene-phe o kusekala ni kuhuka kuala na-ku, ua di bhange monʼa kadia-phemba, muthu ka xikina ngó ku mu zuelesa.