Luka 10:41 - O Mikanda Ikola

⁴¹ Ngana-phe ua mu vutuila, uixi: Marta, Marta, eie ua lalama, kuma ua tandanganha ni ima iavulu.

Luka 10:41 ပူးပေါင်းရင်းမြစ်များ

Ndongixi 6:11

Kia kidi kiene, kuma o ima ue ia vulu i vudisa o ukumbu ku muthu, maji-phe o muthu ku ima iii u katula-ku ihi kia beta o kuuabha?

Marku 4:19

o jihele ja mundu iu, ni músendu ua jimbongo ni maluimbi ma ima iengi, ma bokona, anga ma bhaka o maka mua vundu, he ma tokoka kuima ibundu.

Luka 10:38

Jezú ni maxibulu mê kia kala mu kuenda njila, a tula bhu sanzala, anga bhu kala muhatu dijina diê Marta, ua mu tambulula ku bhata diê.

Luka 10:40

Marta anga u juuala ni kukalakala kiavulu. Bhenhobho, uiza kua Jezú, uixi: Ngana, ki kia ku kuatela kima, phangʼiami kia ngʼehelela kukalakala ubheka uami? Mu tangele Ngana, nda eze a ngi kuatekese.

Luka 12:22

Jezú anga uambela jixibulu jê, uixi: Kala kiki, kiene ki nga mi ambelela kuila, ki mu kale ni hele ia muenhu uenu, muexi tu dia-hi? Né ia mukutu uenu, muixi tu zuata-hi?

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Luka 8:14

O ia sonoka mu ʼaxaxe ka minha, enhá évua, o ku pholo ku aia a xala mu mvunde ia maluimbi ni jimbongo, ni mísendu ia muenhu iú, ka bhana kibundu ni kíbhi.

Nzuá 11:1

Anga ku kala muthu uala mù kata, dijina diê Lázalu. Muenhú, ni phange jê jiiadi ja ahatu, Madiia ni Marta, a tungile bhu sanzala ia Bethânha.

Nzuá 11:5

Jezú-phe, ua zola kiavulu Marta, ni Madiia, ni Lázalu.

Nzuá 12:2

Bhenhobho Jezú anga a mu tela meza. Marta anga u kala mù xibhidila, o Lázalu-phe u kala ni iá a xikama-nê ku meza.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.