Luka 10:4 - O Mikanda Ikola

⁴ Ki mu ambate hutu, né mbuènge ia iphaka né jisabhatu. Ki mu imane mu ku menekena ue muthu uoso-uoso mu njila.

Luka 10:4 ပူးပေါင်းရင်းမြစ်များ

Dimatekenu 24:33

Anga a mu tela kúdia ku meza, muene-phe uixi: Ki ngi di luua, kikala ngi mi kunda hanji kioso kia ngi bheka. Labanu-phe uixi: Di jimbule.

Dimatekenu 24:56

Muene-phe u a ambela, uixi: Ki mu ngi fudise kuenda, kuma Jihova ua ngi bhana kuzediua mu njila ienhiʼii i ngende; ngi suludienu phala ngiie kua muadiʼami.

II Jisobha 4:24

Anga u zuika dikombola ku bulu, uambela mubhikʼê, uixi: Ndoko, endesa na-iu kiá, o ki uia mu njila kuimane, kikale eme ngi ku tangela-kiu.

II Jisobha 4:29

Anga muene uambela Jeazí, uixi: Di kute bhu kinhonga, uzangule o mbangala iami, u katuke; se u sanga muthu, kana ku mu menekena; se bhu kala muthu u ku menekena eie, eie kana ku muʼitaia; uia muene hé o kamona u mu tula o mbangala iami mu pholo iê.

Jisabhu 4:25

Mesu mé a tale muene ku pholo, o ibhebhetelu ié lungisa-iu muene kiambote mu njila.

Marku 6:7

Anga u ixana o kuinhi dia xibulu ni kiiadi, u kuata ku a tuma ku ukunji mu kiiadi-kiiadi, ni ku a bhana o kutena kua ku kaia ni kutumina jinzumbi jaxidi.

Luka 22:35

Kienhókio Jezú uixi dingi: Eme ki nga mi katuile sé hutu, sé mbuenge, sé jisabhatu, mua tatele ni kima? Exi; Kana.

I Samuuele 21:8

Davidi anga u ambela Ahimeleke, uixi: Kuala-bhu ni sosa mba mukuale bhua butu? kuma ngeza ngó sé mukuale, sé kumaneka felu ioso-ioso, kuma muenexi ua ngi tumu lusolo.