Luka 10:28 - O Mikanda Ikola

²⁸ Kuala Jezú: Eie ua vutula kiambote! Bhanga kienhókio, nda u laie.

Luka 10:28 ပူးပေါင်းရင်းမြစ်များ

Nehemiia 9:29

Anga u kala mu ku a bazela, mbé ene a lungulukile ku kitumu kié; maji ene-phe a bhanga ima ia ukumbu uoso, anga a dituna kuívua o ijila ié, a bhukumukina-phe o jiphangu jé, ja bhingi muthu se u ji kuata, ji mu bhana muenhu; anga a thuthujula o isuxi iâ, a kolokotesa xingu jâ, ni kudituna kuívua.

Jisabhu 19:16

Uoso muthu uʼaluka kijila, muene ua zola o muenhu uê; maji uoso u landuka o mauendelu ma mu tokala, uafu.

Izekiiele 20:11

Eme nga a bhana o jingonge jami ni ku a londekeza o mabatuilu ami, a bhingi kuila se o muthu u mʼaluka, muene mua muena o muenhu.

Izekiiele 20:13

Maji-phe o dibhata dia Izalaiele a ngi ẋinukina mu kikangalakata, hé a di tuna o kuenda mu jingonge jami, o mabatuilu mami a ma tènde, a bhingi se o muthu u aiuka, muene mua muena o muenhu; o jisabhalu jami a ji sebulula kinéne; anga ngiia ngixi: nga-nda ku lundulula o njinda iami ku thandu diâ mu kikangalakatʼumu, phala ku a jikinisa.

Izekiiele 20:21

Maji, o ana ue, a ngi balukila, a fulu kuenda mu jingonge jami, a di tunu kualuka o mabatuilu mami, a bhingi kuila se o muthu u aiuka ni ku a tumaka, muene mua muena o muenhu; ene-phe o jisabhalu jami a ji sebulula; kiene-phe ki ngʼedila ngixi: o kutema kuami nga-nda ku ku lunduluila ku thandu diâ, phala o njinda iami i di kumbidile kokuʼê mu kikangalakata.

Ijila 18:5

Kala kiki o jingonge jami ni mabatuilu mami bhakenu-u; kuma enhó mu ku a bhanga muthu u kola muenhu; Eme Jihova nga ki ambe.

Matesu 19:17

Muène anga u mu ambela, uixi: Eie uala ku ngiia kiebhi iambote? Saiku umoxi ngó uambote, muene Nzambi. Ki uinda-phe u bokona ku muenhu, aiuka ijila.

Marku 12:34

Jezú kia mono kuma o mesene ia Kitumu ua kumbulula ni kilunji, uixi: Eie o Utuminu ua Diulu ki ua ku kala dikanga. Tunde kienhiki, kana dingi muthu ua bhumine kukuata-nê phata.

Luka 7:43

Kuala Ximá: Eme nga fika uoso a mu loloka kiavulu.

Loma 10:4

Kuma Kristu muene o dizubhilu dia Kitumu, phala ió uoso u xikana, a mu lungise kuala Nzambi.

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Loma 7:10

O ki ngeza-ku, kijila kia tokalele ki bhana muenhu, kia ngi bhekela kufua.

Ngalásia 3:12

Maji o Kitumu-phe ki kiene ni kuxikana. Mukonda, kala ki ambe o Mikanda Ikôla: Uoso u bhanga o ima ia tumu o Kitumu, mu Kitumu muene mua muena o muenhu.

Matendelelu 6:24

O Jihova-phe iú ua tu tendelela kuila tua tokala tu kumbidila jinga o jingonge jiji, ni tu kuata kuxila Jihova Nzambi ietu, phala o kubhanduluka kuetu ku nangenene, nda a tu bhane muenhu, kala ki tuala leluʼiki.