Luka 10:21 - O Mikanda Ikola

²¹ Kumbi dienhódio Jezú u sanguluka kiavulu mua Nzumbi Ikôla, uixi: Nga ku ximana Tata, Ngana ia diulu ni ixi! Mukonda imʼiíi ua i suekela jihete ni jinjimu, maji ua i tukuluila anandenge ni iá kejiia kima! Kiene bâ, Tata! Mukonda kiene ki ua mono kia uabha!

Luka 10:21 ပူးပေါင်းရင်းမြစ်များ

Jisálamu 24:1

Ixi iangene ia Jihova ni jimbongo mu ngongo jê; mua mu tokala muene ni mundu uoso ua tungu-mu.

Jisálamu 25:14

Ukamba ua Jihova u kala ni akua uoma uê; u a ejidisa kioso ki kala kikutu kiê.

Jisálamu 8:2

Mu kuzuela ku tunda mu kanu dia anʼauisu, ni tuana hanji bhu maku, eie uidikisa ue nguzu; mukonda dia ió a ku zembe; phala o nguma, ni ió mukua phonzo, a lémbue kia kuvutula.

Izaía 29:14

Uila kiki, eme hanji ngi kolokota ni kukalakala kima kia madiuanu muʼaxaxi ka mundu iú; ngi bhanga kisunji nda adiuane, kuma o unjimu ua jinjimu jâ, ua kà jikinina, o kuijiia kua jingânji jâ kua kà suama.

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Izaía 62:5

Kala munzangala ua diiala kia sakana ni kilumba, kiene ue anʼé kia-nda kusakana nʼeie; kala ngaiàla kia sendukila o dibhanga, kiene ue Nzambi ié kia-nda ku ku sendukila eie.

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Matesu 16:17

Jezú u kumbulula, uixi: Eie ua zediua, Ximá dia Jona! Mukonda o kidi kienhiki eie kua kʼijidila ku xitu ni manhinga, maji a ku bhana-kiu kuala Tata iami uene mu diulu.

Matesu 21:16

Anga a mu ambela, exi: Ua kʼivu kiala mu zuela iá? Jezú uixi: Xi! Enu kiluua mu tanga mu Mikanda kuila: Diximanu diê dia fuama kiengi mu kanu dia anʼandenge ni tuana bhu maku?

Matesu 3:7

Nzuá muène-phe kia mono ku jifalizeu ni ku jisaduseu kueza athu ku batizu iê, uixi: Enu mu ana a madiuta, nanhi ua mi dimuna kulenga o njinda ia-nda kuiza-ku, itunda kua Nzambi?

Marku 10:15

Kidi kiene ngi mi ambela: Uoso u kamba kutambulula o Utuminu ua Nzambi kala kamona ka ndenge, uene ka ka u bokona.

Luka 15:5

O kia i sanga, u i ta bhu isuxi, hé uiza na-iu ni kusanguluka.

Luka 15:9

O kia ki sanga, uixana o makamba mê, ni akua-bhata diê, uixi: Ngi tanesienu, mu sanguluke kumoxi ni eme, mukonda nga bongo o kíphaka kiami kia ngi jimbidile.

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

II Kolindo 4:3

Mukonda o ki kala Njimbu Iambote i tua mu kola ia futama uandanda, ia futama ngoho phala ió oso ala mù texika.

Efezo 1:11

Mukonda o ima ioso a i bhanga kala kia i xindi Nzambi mu ikanenu iê. O muène iú ua tu solo kukala tu mundu uê, mu kuongama kuetu ni Kristu, kala kioso kia mu kala mu vondadi iê, kia ki sola Muène tunde ku dimatekenu.

Efezo 1:5

Ua tu inda kukala tu ana, mu uana uijiia kua Jezú Kristu. Kuma kiene kima kia mu uabhela, kia mu kala okulu mu vondadi iê.