Luka 10:20 - O Mikanda Ikola

²⁰ Maji-phe kana kusangulukila o madimonho ma mi tolokela; inda mu sangulukila o majina menu kuma a ma soneka ku diulu.

Luka 10:20 ပူးပေါင်းရင်းမြစ်များ

Jisálamu 69:28

A jimuene, Ngana, o majina mu divulu dia muenhu; ka a soneke dingi kumoxi ni athu a iuka.

Makatukilu 32:32

Ki alʼiki, a loloke Ngana, o kituxi kiâ. Se ki ki ẋikina, eme uami ngi jimune, nga ku diondo, mu divulu dié di ua soneka.

Izaía 4:3

Bheneʼobho-phe, uoso u subhuka mu Ziione, ni ió uoso u nangenena mu Jeluzaleme, a kà mu luka Sandu; uoso kiá muʼaxaxi ka athu a muenhu, a kà mu soneka mu Jeluzaleme;

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Izekiiele 13:9

O lukuaku luami lua-nda kubilukila o misesedi a mona kingoho ni kuzambula makutu; o mu kionge kia mundu uami ene ka kà kala-mu, mba ku a soneka mu jindunda ja muiji ua Izalaiele, né ue ngó kubokona mʼoxi ia Izalaiele; nda mu kʼijiie kuila eme-muène ngi Ngana dia Jihova.

Daniiele 12:1

Mu thembu munhá Mingedi, kilolo kiadikota, ua kà balumuka, ni kuimanena ku bhângela anʼa kifuẋi kié, bhua kà kala-phe thembu ia phaxi, tunde kia bhanga o muiji ua athu, kiluua i kala-ku, katé kiki; maji mu thembu ienhoio, o kifuẋi kié kia kà bhuluka, uoso a mu sanga dijina mu Divulu.

Matesu 10:1

Muène anga u ixana kuinhi dia xibulu ni kiiadi, anga u a bhana nguzu ia kutumina jinzumbi jaiibha, ku ji kaia, ni kusaka mahaxi moso ni makukata moso.

Matesu 26:24

Monʼa Muthu iú uia mu kúfua, kala kia mu soneka mu Mikanda Ikôla. Muthu ió-phe kokolo diê, ua-nda kuthelekala Monʼa Muthu! Kimuua, muenhó se ka mu vualele!

Matesu 27:5

Juda muène bhenhobho, u zangula itadi ia phalata, hé u i takula bhoxi mu Tembulu, anga a tuda-bhu, uia u di nhenga.

Filipe 4:3

Ni eie ue u soko diami dia kidi, nga ku diondo, ua a kuatekesa, ahatu enʼió. Kuma ene a ngi bande mu sedivisu ia kusambukisa o Njimbu Iambote, kumoxi ni Kelemende ue, ni amukuâ dingi u nga kalakala-nâ, majima mâ moso mala mu divulu dia muenhu, dia tokala Nzambi.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 17:8

O kiama ki ua mono, kia kexile ni muenhu, maji o kiki, ki kianda kulaia dingi kiavulu. Mukonda o kiama kiki, hinu kia kà tunda mu dikungu ki di moneka hole, anga a kà mu buikisa. Athu a tungu mu ngongo, oso a kambe ku a soneka o majina mâ mu divulu dia muenhu tundé ku dimatekenu dia ʼxi, a-nda kua kà diuana ki a kà talesa o kiama. Mukonda o kiama ua kexile kiá ku muenhu, o kiki muenhu ua u lémbua, maji hinu ua kà tukuluka dingi.

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.

Dijingunuinu 21:27

Maji o muene-phe ki mu bokona ngó kima kioso-kioso kia ufusa, mba muthu u bhanga isunji, ni ió u zuela makutu. A kà bokona mu mbana, ki kale ene ngó a a soneka o majina mâ mu divulu dia muenhu dia Kambudi.

Dijingunuinu 3:5

Uoso u tolola, a mu kembesa kiki ni izuatu izela; kana, kana, ki ngi mu jimuna dijina diê mu divulu dia muenhu. Hinu ngi mu fisala dijina diê bhu pholo ia Tata iami, ni bhu pholo ia ji-anju jê, kuila ua ngi tokala.