Luka 10:19 - O Mikanda Ikola

¹⁹ Talenu, eme nga mi bhana kutena kua kudiota jinhoka ni jinginga, ni ku tolola nguzu ioso ia nguma. Kana kima ki tena ku mi kuama.

Luka 10:19 ပူးပေါင်းရင်းမြစ်များ

II Malunda 10:11

Kienʼiki se tatʼetu ua miʼambatesa jungu ia neme, eme-phe ku jungu ienu nga-nda ku ta-ku dingi; o ki kala tatʼetu ua mi beta ni jixikote, eme-phe kiá nga-ndu mi beta ni jimbalanganza.

Jisálamu 91:13

Ua kà diota o hoje ni diuta; munzangala ua hoje ni nhoka u i titidila muene bhoxi.

Izaía 11:8

O mona uala ku mele a mamʼâ, ua kà tonokena ku ngenda ia diuta; o mona ua sumuka kiá ua kà ta lukuaku luê mu ngenda ia dizuua-mbinga.

Izekiiele 2:6

Eie-phe, u monʼa muthu, kana ku a kuatela uôma, mba u kala ni uôma ua ioso ia zuela; né-mbe hanji o izuelu iâ i di-bhanga muxitu ua minha ni jisongo phala eie, eie anga u tunga ni jimvuanga, kana kukala ni uôma ua izuelu iâ, mba u teketa ki u mona o jipholo jâ, kuma ene ala dibhata dia ẋinuka.

Marku 16:18

a ka kuata-kuata jinhoka; se a ka nua ikola-kola, ki ia a bhange ngo kiaiibha; a ka tula maku ma ku thanduʼ a jihaxi, anga ji di sanza.

Luka 11:12

Mba ua mu bhingi diiaki, u tena ku mu bhana mvuanga?

Jipoxolo 28:5

Phaulu-phe muène kibâmba ua ki kukumuina mu tubhia, ki kia mu kuama.

Loma 16:20

O Nzambi, otho ia paze ietu, kindala uanda ku titidila Satana bhoxi dia inama ienu. O kiadi kia ngana ietu Jezú Kristu, ki kale ni enu oso.

Dijingunuinu 11:5

Se bhu kala muthu u sota ku a bhanga kima kiaiibha, mu kanu diâ mu fuafua túbhia tu buidisa o jinguma jâ. Kienhiki uoso u sota ku a kuama, kikale kiene kia mu jibhʼiki.