Luka 10:16 - O Mikanda Ikola

¹⁶ Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Luka 10:16 ပူးပေါင်းရင်းမြစ်များ

Makatukilu 16:7

o mungu ki kúkia mu kimene, mua-ndu mona o unene ua Jihova; mukonda muene ua mʼivu o kulongolola kuenu; Jihova mua mu longolola, etu tu akua-hi kuila mu tu longolola etu?

Makatukilu 16:8

Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Dialuilu 14:11

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Dialuilu 14:2

Anʼa Izalaiele oso anga a longolola Mozé ni Alá: Kilômbo kioso anga a ambela, exi: Tamanu tua fuidile mʼoxi ia Ijitu! Mba tu fuila ngó mu kikangalakatʼumu!

Dialuilu 16:11

Ki kia mi bhekesa dingi kuila ni eie ni kionge kié kioso mua di bhongolola mu kuzoka ni Jihova; o Alá, muene kima kiahi, muala ku mu longololʼenu?

Matesu 10:40

Uoso u mi tambululʼ enu, ua ngi tambulula eme; uoso-phe u ngi tambululʼ eme, ua tambulula ió ua ngi tumu.

Matesu 18:5

Uoso u tambulula, kamona mukuâ ni kaka, mu dijina diami, ua ngi tambulula eme.

Marku 9:37

Uoso u tambulula kamona mukua ni kaka mu dijina diami, eme-muene ua ngi tambulula. O uoso-phe u ngi tambulula eme, ki eme ngo a ngi tambulula, maji ni Io ua ngi tumu.

Luka 9:48

Anga ua ambela ene, uixi: Uoso u tambulula kamonʼaka mu dijina diami, eme-muène a ngi tambulula. Uoso ue u ngi tambulula eme, ua tambulula uoso ua ngi tumu. Mukonda uoso mudienu ua beta o kutola, muenhó muène o dikota.

Nzuá 12:44

Jezú anga u di kola, uixi: Uoso ua ngi xikana eme, ki eme ngó a ngi xikana, ua xikana ue ni ió ua ngi tumu.

Nzuá 12:48

Uoso ua ngi di tunu, ua kambe kutambulula o maka mami, sai uoso u mu êlesa. Maka mami moso u nga tange, ene a ka mu êlesa mu kizuua kia kà suka-ku.

Nzuá 13:20

Mukonda ni kidi kiene, ngi mi ambela: Uoso u tambulula muthu nga mu tumu, eme-muène a ngi tambulula; o uoso ua ngi tambulula eme, ua tambulula ue uoso ua ngi tumu.

Jipoxolo 5:4

O ki ia kexile, ki oxi ié eʼmuène? O ki ua i sumbisa, kitadi ki kia kexile kié eie-muène hanji? Kimʼ iki-phe kia kuiza kiebhi ku muẋima? Eie o makutuʼ ama, ku ma tela athu, kana! Ua ma tela Nzambi!

Ngalásia 4:14

Suke o uhaxi uami uedile kala kima kia mi tundu o thulu kieza ku mi lola, maji enu-phe ki mu ngi di tunu, mba mu ngi tènda. Inda mua ngi tambulula muene kala ngi anju ia Nzambi, mba kifua eme-muene kiá Kristu Jezú.

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.