Luka 10:14 - O Mikanda Ikola

¹⁴ Mu kizuua kia kufundisa-phe, Tilu ni Sidonha a kà beta kumona ujitu kua Nzambi, enu kana.

Luka 10:14 ပူးပေါင်းရင်းမြစ်များ

Jouele 3:4

Enu ue mua kuataʼhi nʼeme, enu Tilu ni Sidone, ni enu mu jimbambe joso ja ixi ia Fidíxia? Mbebhu enu muandala ku ngi tata phonzo? Kuabhu-phe, hé kiene ki mu ngi futʼokio, eme ue muʼanzanzaʼumu ngi lenguluka mu ku sonuena futu ienu bhu thala dia mítue ienu.

Amoji 1:9

Jihova uambe kiki: Tilu kia tondala lutatu ni luuana, kibetu kiê ki nga mu xindi ki ngi ki katula; mukonda o nzungule ia jihutile joso a ji bhakula kua Idomo, o kikutu kia jiphange jâ ka ki xinganeka dingi.

Amoji 3:2

Ku miji ioso mu ngongo enu ngó nga mʼijiia; mukonda dia kienʼiki imbamba ienu ia kutondala kuoso ku mu tondala, nga-nda ku i vutuila phonzo ku thandu dienu.

Matesu 10:15

Kidi kiene ngi mi ambela, inda oxi ia Sodoma ni ia Ngomola a kà i lendukila mu kizuua kia kufundisa, mbongeʼ oio, kana!

Matesu 11:21

Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Nzuá 3:19

O kuêla kuenhuku: O mukengeji ueza mu ngongo, maji athu-phe a beta kuzola o kitombe, mukengeji ua a kala ndenge, mukonda ima iâ ia bhanga iaiibha.

Loma 2:1

Kienʼ iki, eie u muthu ua kime, uala mù kuêlesa akuenu? Kiosokioso ki u kalé, eie-muène ue ku lungu. Mukonda kioso ki u êlesa mukuenu, eie ue anga u kuata kubhanga ima iene imoxi, ua di êlesa eie-muène.

Loma 2:27

Kala kiki enu mu Jijudé, a kà mi êlesa kuala ió ki Jijudé! Mukonda enu o Kitumu mua mu ki bula, sumbala a mi sonekena-kiu, o kusaia, a mi saie. O ió ki Jijudé a mu tumaka o Kitumu, sumbala ku mukutu kà a saie.