Luka 10:10 - O Mikanda Ikola

¹⁰ Mbanza ioso-phe i mua kà tula, anga a kamba ku mi tambulula, mu bhita mu nzunga iê ni kuila:

Luka 10:10 ပူးပေါင်းရင်းမြစ်များ

Izekiiele 2:5

O ene-phe, kixi evua mba a kamba kuívua, (mbata ene ala dibhata dia ẋinuka) a-nda kuijiia-phe kuila mu kaxi kâ muejile musesedi.

Matesu 10:14

Uoso ka mi tambulula, mba u kamba kuívua maka menu, ki mu tunda mu inzuʼ oio mba mu mbongeʼ omo, mu a kukumuina fufuta ia inama ienu.

Luka 10:11

Katé ni fufuta ia tu naminina ku inama mu mbanza ienu, tu mi kukumuina-iu. Maji-phe, tumenu ku kʼijiia kuma: O Utuminu ua Nzambi ua mi tula.

Luka 10:9

Mu saka jihaxi joso ji mua sange-mu, hé mu ambela o mundu uala mu mbongeʼomo, muexi: Utuminu ua Nzambi ua mi tula.

Luka 9:5

Oso-phe a kamba ku mi tambulula, ki mu katuka mu mabhatʼomo, mua kà a kukumuina o mavu a mi naminina ku inama ienu, mu ku a bhakela umbangi.

Jipoxolo 13:51

Jipoxolo ene-phe, a a kukumuina o fufuta ia inama iâ, anga aia ku Ikônio.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.