Luka 1:8 - O Mikanda Ikola

⁸ Anga ki bhita kuma, kizuua kimoxi, Zakadiia u kala mù bhanga unganga bhu pholo ia Nzambi, mu izuua ieza-ku o kibuka kiê.

Luka 1:8 ပူးပေါင်းရင်းမြစ်များ

I Malunda 24:19

O ufunu ua enhá, ukunji uâ, o kubokona jinga mu inzo ia Jihova, kala kia a tendelela kuala tatʼâ Alá, kala kia mu tendelela ue muene, kuala Jihova, Nzambi dia Izalaiele.

I Malunda 24:2

O Nadabe-phe ni Abihú afu sé kuxisa ana, kala tatʼâ iú hanji ku muenhu; o Eliiazale-phe ni Itamale, anga akala mu kubhanga o kikalakalu kia unganga.

II Malunda 11:14

Mukonda o jilevita a xisa muene mikáu iâ ni jixi jâ ja a tokala, iá eza mua Juda ni Jeluzaleme, (mbata Jelobouamu ni anʼê ua a kaie, phala kende ni kubhanga ukunji ua Jihova.

II Malunda 31:19

Ni mu kaẋi ue kʼanʼa Alá, mua kexile jinganga ku mikáu mu ikanzu ia jimbonge, o mu mbonge joso mua kexile athu a a nona muene mu majina phala ku uanena o mala oso, mu jinganga, o makanda mâ, ni iá oso a aleka ku mísala ia Uvuadiue mu jilevita.

II Malunda 31:2

Anga Ezekiia u ta o jinganga ni jilevita ku ibuka, kala kia tokala mu ibuka iâ, kala muthu ni ukunji uê; o jinganga ni jilevita phala o jisata ja kuoha, ni jisata ja uembu; ni kubhanga kioso kia tokala mu ukunji ni kuximana ni kuimbila bhu mabhitu ma ilômbo ia Jihova.

II Malunda 8:14

Kala ue kia tendelela Davidi, tatʼâ, ua te o ibuka ia jinganga mu ukunji uâ, kiòmuene ue o jilevita, ku mbandu iâ ia a tokala, mbé a ximane Nzambi, ni ku bhanga ukunji uâ bhu pholo ia jinganga, kala kia ki xindi ku kizuua ni kizuua, ni akua mabhitu ue ku ibuka iâ, dibhitu ni dibhitu; mukonda kiene kia ki tumine Davidi, muthu ua ngene ua Nzambi.

Ejidala 6:18

Anga jinganga a ji uana ku ibuka ni jilevita mu jimbambe já, phala o ukunji ua Nzambi uala mu Jeluzaleme; kala kia ki soneka mu divulu dia Mozé.

Makatukilu 28:1

Ua kèxana phange ié Alá ni anʼê a mala, mu kaẋi ka anʼa Izalaiele, nʼa ku zukame, u a unde ku ngi kalakela ku unganga; ni Alá, ni Nadabe, ni Abihu, ni Eliezale, ni Itamale, ni anʼa Alá.

Makatukilu 28:41

O izuatu iii anga u i zuika kua phange ié Alá, ni anʼê, ni ku a unda ni maji, ni ku a lumba, ni ku a zelesa, mbé ende ni ku ngi kalakela ku unganga.

Makatukilu 29:1

O ki tokala ku a bhanga kienhiki, mu ku a lumbila phala ku ngi kalakela ku unganga: U kuata ngombe ia ndumbe ia kiubha, ni ilumbe iiadi ia jimbudi, ia kambe kunemana mba mabaka.

Makatukilu 29:44

Anga ngi kôlesa ue ni balaka ia kutakanena, ni kalatódio; o Alá ue ni anʼê ngʼa kôlesa ue phala ku ngi kalakela ku unganga.

Makatukilu 29:9

U a kuta jiphonda, ni Alá ni anê, u a ta ijinga mu mútue, phala unganga u kala uâ-ene, ua kijila ki ki moneka bhu kia suku; kienhiki ki u a lumbila-u, ni Alá ni anʼê a mala.

Makatukilu 30:30

Ni Alá ni anʼê, u a ta maji a ku a unda ni ku a kôlesa, phala a ngi kalakele ku unganga.

Dialuilu 18:7

Maji eie-phe kiá kumoxi ni anʼê, muʼaluke o unganga uenu, mu ima ioso ia tokala ku kalatódio, ni ku ioio iala mu xilu dia mvéu, o ienhiʼii, iene o kikalakalu kienu; eme nga mi bhana o unganga uenu, u mi kale ujitu ua ukunji, o muthu uengi u bhiẋila-ku, u fua.

Luka 1:5

Mu izuua ia Helode, muenexi ua Judeia, mua kexile nganga ia Nzambi a mu ixana Zakadiia, ua tokala mu kibuka kia Abiia. O muhatuʼê ua tokala ue ku muiji ua Alá, o muiji ua jinganga, dijina diê Nzebele.

Luka 1:7

Ene-phe ka moneka mona, mukonda Nzebele ua kexile mbaku; o ene kiiadi kiâ, a kuata kiá mivu iavulu.