Luka 1:79 - O Mikanda Ikola

⁷⁹ Ni kumuikina oso a xikama mu kuvunda kua kizenji kia kalunga; mbé o kuendesa inama ietu mu njila ia kutululuka.

Luka 1:79 ပူးပေါင်းရင်းမြစ်များ

Jobe 10:22

Ixi ia vundu kinéne kala kikala o kuvunda kuene; ixi ia kuvunda kuònene ni usuku uedi bui, ixi ia kizenji kia kalunga ni kavuanza; mua bhingi o mukengeji uene ua sokuʼé ngó ni kitombe kia mujijima.

Jobe 3:5

Usuku ua nzumba u ki sambukila ni kitombe kia kalunga; matuta a vundu a tunge ku thandu diê; ima ioso iedi bhuí ifuafua kala dixi i jimuna o muanha i ki kuatese uoma.

Jisálamu 107:10

Sai ni iá a xikamene muʼavundu, mu kizenji kia kalunga, kuma a a kuika mu kikote ni jifelu,

Jisálamu 107:14

Muene u a katula mua vundu ni mu kizenji kia kalunga, malubhambu ma a kutile, u a batujula.

Jisálamu 23:4

Né-mbe ngi bhita mu dikôlo dia kitombe kia kalunga, ki ngi kala ni uoma ua kima kiaiibha, mukonda eie uala ngi bheka; ni mbangala ié ni dikoue dié, ene a ngi bhuisa hele.

Jisálamu 25:12

Muthu uebhi uene ni uoma ua Jihova? Muenhó Jihova u mu longa njila ia fuama kusola.

Jisálamu 44:19

Kia bhiti kiebhi, ki ua tu tolojola kiki? Tua batukila bhu kididi kiala kubuzila o jimbulu, ua tu vungu kitombe kia kalunga.

Jisabhu 3:17

Jihoka jê jihoka ja malau, o jinjila jê joso jinjila ja kutululuka.

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 42:7

Phala u tonese o mesu a ifofo, ni ku jituna oso a a kuika, ni ku katula muʼaleia oso-a xikama mu kitombe.

Izaía 48:17

Jihova, Mubhuludi ué, o Dilemba dia Izalaiele, uambe kiki: Eme Jihova Nzambi ié, u ku longa kioso kia uabha, hé u ku endesa mu njila i ua fuama kuenda mu ku di-tela.

Izaía 48:22

Maji o athu abhumu, kala ni kutululuka; Jihova ua ki tange.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 49:9

Phala uambele iá a a kutu, uixi: Jitukenu; oso ene mua vundu uixi: Tukulukenu mu jinjila ja kuenda; a kala ni huta ia ku di-dikila; o mu ididi ioso ia matala, aia ni kusanga-mu sabhèlela ia kúdia kuâ.

Izaía 59:8

Njila ia kutululuka a lémbua ku ijiia, mu makànda mâ ku sange-mu kutetuluka; o njila jâ ja kubhengalala a di bhangela-ju ene-muène, uoso uendelamu ka tena kumona dinhohenu.

Izaía 9:2

O mundu a xikamene mu kitombe a mono mukengeji uònene; o athu a kexi mu kuendela mu kididi kia kizenji kia Kalunga, kuaki mukengeji uâ.

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Jelemiia 6:16

Jihova uambe kiki: Kutukenu mu jinjila, mu tale nda mu ibhule ikoka ia xahulu, ioso o njila iauabha, muʼendele muenhomo; nda mu sange o dinhohenu dia jinzumbi jenu: Maji ene-phe exi: Nguetu kuenda.

Matesu 4:16

Athu a xikamene mu kitombe a mono mukengeji uonéne! A xikamene kididi kia kizenji kia kalunga, kuaki mukengeji uâ!

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Nzuá 12:46

Eme ngeza kuma ngi mukengeji mu ngongo, phala uoso u ngi xikana, ka kale dingi mua vundu.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Nzuá 9:5

Kioso ki ngala hanji mu ngongo, ngala ngi mukengeji ua mundu.

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Loma 3:17

Njila ia kutululuka a lémbua ku ijiia.

Efezo 5:8

Kuma enu-enu mʼ ukulu mua kexile mu kitombe, maji o kiki muala kiá mu mukengeji mua Ngana. Endenu-phe ni kuenda kala anʼa mukengeji.