Luka 1:78 - O Mikanda Ikola

⁷⁸ mukonda Nzambi ietu, Nzambi ia jihenda ni mbote! Ua bhangesa Dikumbi-dia-Thunda ku tu zungila,

Luka 1:78 ပူးပေါင်းရင်းမြစ်များ

Jisálamu 25:6

Xinganeka, Jihova, jihenda jé ni jimbote jé; mukonda jene ji uene na-ju tunde dia tunde.

Izaía 11:1

Mbata ku kixina kia Jese kuanda kusabhuka Luthangu, o ku jindanji jê kua-nda kufuafua ngolongo ia-nda kuima.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Zakadiia 3:8

Ivua-phe, Josuué, u nganga ia dikota, eie ni akuenu a mu xikama bhu pholo ié, kuma mu ala mu azambuidi; eme-phe nga kà bhangesa kuila mubhikʼami uà kèza, Luthangu lua Ubhe.

Zakadiia 6:12

Hé u mu tangela, uixi: Jihova dia Ilombo Ieta, mu kuzuela, uambe kiki: Talesa-ze, muthu iú ua bhingi kuila jina diê, Thangu Luobhe; muene ua kà sabhuka bhu kididi kiê, anga ua kà tunga o Tembulu ia Jihova.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Dialuilu 24:17

nga mu mono, maji ki lelu; bhu nga mu muena, ki bhabha; kua kà tunda théthembua mua Jakobo ku kala mbasá muʼaxaxi ka Izalaiele, Mouabhe a ka mu beta mbandu ni mbandu, akua jimvunda a kà a xinina bhoxi, ana oso a Sete a kà a jikinisa

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

Filipe 2:1

Uila kiki, mua Kristu se muala o kulunga, se muala kutululuka kua henda, se muala ukamba ua Nzumbi, se muala jihânji ni jihenda,

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

II Phetele 1:19

Mukonda dia kienhiki, o maka ma tanga jinga o misésedi, tua beta dingi o ku ma dielela kiavulu. Enu uenu mua-lu bhanga kiambote, o ku mʼaluka, enhá. Mukonda ene a di bhange mukuâ ni kandeia ka muikina mu kididi kia vundu, katé kikia o kizuua, anga o mukengeji ua thethembua ia kimene, u muikina mu miẋima ienu.

I Nzuá 3:17

Muthu uoso-phe ua kuata o jimbongo ja mu ngongʼumu, anga u talesa phangʼiê ua bhindama, maji u mu kolela muẋima, muthu ió u tanga kiebhi kuila ua zolo Nzambi?

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.