Luka 1:77 - O Mikanda Ikola

⁷⁷ ni kuijidisa athuʼê ki kala o kubhuluka, mu ku a loloka o ituxi iâ,

Luka 1:77 ပူးပေါင်းရင်းမြစ်များ

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Luka 3:3

Muène anga uiza mu jimbandu joso ja Njolodá ni kukola o batizu ia kudiela mu kuloloka ituxi, uixi: Ambulenu ituxi ienu, phala a mi batizale, Nzambi nda a mi loloke.

Luka 3:6

Xitu ioso anga i mona o kubhuluka kua Nzambi.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 1:34

Eme nga ki mono kiá, kiene ki nga bhela umbangi, kuma muenhú Monʼa Nzambi.

Jipoxolo 10:43

Muenʼiú ni jipolofeta joso ja mu kala jimbangi, kuma ene a mu tange kuila uoso u mu xikana, u tambula muloloko ua ituxi mu dijina diê.

Jipoxolo 19:4

Kuala Phaulu: Nzuá ua mi batizala ni batizu ia ió a mu diela-ke o ituxi iâ. Iú ua longesele o mundu kuma a xikane ió ua mu kaiela ku dima diê, muene Jezú.

Jipoxolo 2:38

Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

Loma 3:25

Nzambi ua bhakula Kristu mu kukala sata, phala mu kufua kuê, Kristu a biluke muène diluuluilu dia athu nʼa tambule o muloloko ua ituxi, mu ku mu xikana muène. Nzambi ua bhange kiki, mù ku idikiza kuila muène uaiuka. Kuma Nzambi mukua muanu, o ituxi ia ta jinga athu mʼ ukulu ua i somboka mu kulenduka kuê.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!